Хөгжлийн банктай холбоотой дуулиан огт тасрахгүй байгаа бөгөөд АН-ын бүлгийн дарга Б.Гарамгайбаатар гэгчтэй холбоотой мөн түүний эзэмшилд байх Монроуд ХХК-ийн хийж гүйцэтгэж байгаа ажлуудтай холбоотой хэд хэдэн ноцтой мэдээллүүд гараад байна.

1. АТГ-аас эрхэм гишүүний эзэмшилд байх Монроуд компанируу тухайн үеийн Засгийн газарт шинээр зам барина хэмээн Халзан Бүрэгдэйгээс Солонготын даваа хүртэл 100 км замын ажлын мөнгө гээд 46,4 тэрбум төгрөг өгсөн тухай мэдээлсэн. Хамгийн ноцтой нь тус зам 38% гүйцэтгэлтэй байхад нь огт зам байхгүй шинээр зам барина хэмээн ийнхүү мөнгө авсан байдаг байна.

2. УИХ дахь АН-ын бүлгийн дарга Б.Гарамгайбаатар нь Хөгжлийн банкыг шалгах ажлын хэсэгт анх байгаагүй хэрнээ гэнэт замын дундаас өөрийн хүсэлтээр нэмэгдэн орж ирээд янз бүрийн мэдээллүүд хийж эхэлсэн байдаг. Энэ нь түүний эзэмшлийн Монроуд хэмээх компанийн авсан тендер түүнийг нь санхүүжүүлж байгаа Хөгжлийн банктай холбоотой ашиг сонирхолын зөрчил байж болох тухай мэдээлж эхэллээ.

3. Хөгжлийн банкны захирал Н.Мөнхбат гэгч нь Монроуд компанийн авсан ажил нь одоогоор 53,83%-тай явж байгаа тухай мэдээлээд “Бид үүнд ямар ч хамаагүй″ хэмээн хатуу мэдэгдэв. Гэхдээ хамгийн ноцтой мэдээлэл нь АТГ-ын хэлсэн тоог яг бататгаж 46,4 тэрбум төгрөгийг Монроуд хэмээх компанид өгсөнөө хүлээн зөвшөөрлөө.
Олон нийтийн хамгийн их бухимдал төрүүлж байгаа зүйл нь энэ хэрэг дээр бэлэн хийцэн 38% тай ажлыг 53% буюу ердөө 15%ийн гүйцэтгэл хийсэн байхад ийм их хэмжээний мөнгө буюу нийт мөнгөний 72% болох 46,4 тэрбум төгрөгийг өгсөн явдал нь ихээхэн хардлага сэжгийг төрүүлээд байгаа юм.

Гэтэл АТГ болон Хөгжлийн банкнаас Монроуд компанируу шилжүүлсэн гэх мөнгийг тус компанийг үүсгэн байгуулагч УИХ дахь АН-ын бүлгийн дарга Б.Гарамгайбаатар Өдрийн сонинд өгсөн ярилцлагадаа ийнхүү няцааж байна.