Филиппин улсын мэргэжлийн лиг болох “PBA”-д манай улсын тамирчин, сагсчин Т.Санчир тоглож эхлээд багагүй хугацааг өнгөрсөн. Гэсэн хэдий ч өнгөрсөн тоглолтын туршид Т.Санчирыг огт тоглуулалгүй, суудалд нь суулгасан нь “Барангая Жинебра” багийн филиппин болон монгол  фэнүүд нь ихэд дургүйцэн, олон нийтийн цахим хуудсаар бухимдлаа илэрхийлсэн. Харин энэ талаар сагсчин Т.Санчир хэлэхдээ  “Бүх зүйл асуудалгүй, өнөөдөр гарааны тавд гарч тоглоно” хэмээн мэдэгдсэн юм. 

Дашрамд дурьдахад, өнөөдөр орой 20.00 цагаас Kia багийн эсрэг “Барангая Жинебра” баг буюу Т.Санчирын баг тоглох учиртай. Тиймээс өнөө орой “Барангая Жинебра” багийнхан хэрхэн тоглохыг харах л үлдлээ.