Шударга өрсөлдөөн хэрэглэгчийн төлөө газраас орон сууц өмчлөгч, эзэмшигчдийн хариуцлагын даатгалын  үйл  ажиллагаа  явуулдаг  компаниудад  шалгалт  хийжээ.  Шалгалтанд  “Ард  даатгал”,“Улаанбаатар хотын даатгал”, “Хаан даатгал” компаниуд хамрагдсан байна. Эдгээр компанийн үйл ажиллагаанд нэлээд зөрчил илэрчээ. “Хаан даатгал” компани нь иргэдээс нэг тэрбум төгрөг хууль бусаар авсан байв. Иргэд орон сууцны даатгалд сайн дураар хамрагдах ёстой. Гэтэл тус даатгалын компани нь Орон сууц нийтийн аж ахуйн удирдах газартай гэрээ байгуулан иргэдээс даатгалын мөнгийг шууд татан авч байжээ. “Ард даатгал” компани ч мөн иргэдийн зөвшөөрөлгүйгээр нийтдээ 240 сая төгрөг авчээ. Иймээс ШӨХТГ-аас иргэдийн хохирлыг нөхөн төлүүлэх шаардлагыг компанийн удирдлагуудад  хүргүүлсэн байна.  Түүнчлэн албан тушаалаа урвуулан ашигласан Орон сууц нийтийн аж ахуйн удирдах газрынханд хариуцлага тооцох саналыг    Нийслэлийн удирдлагад хүргүүлжээ.

Б.Баяр 

Эх сурвалж: Tumen.mn