УИХ-ын гишүүн С.Ганбаатар Ерөнхий сайд Ч.Сайханбилэгт хандан 3 дахь удаагийн албан бичгээ хүргүүлж буйгаа фэйсбүүкээрээ мэдэгдлээ. Тэрбээр албан бичигтээ “Оюутолгойн далд уурхайн бүтээн байгуулалтын санхүүжилтийн төлөвлөгөөний албан ёсны орчуулгыг Засгийн газрын сайтдаа байрлуулж, гарын үсэг зурсан хүмүүс заалт бүрээр нь олон нийтэд ойлгомжтой тайлбарлах ажлыг зохион байгуулах хэрэгтэй” гэв.

Гэвч Ерөнхий сайд Ч.Сайханбилэг эх орондоо ирсний дараагаар улстөрчдөд Оюутолгойн асуудал хамаагүй, эдийн засаг, компани хоорондын асуудал болсон гэдгийг хэлсэн. Мөн улстөрчдийг ийм улс төр хийхгүй байхыг хүссэн ч, түүний хүссэнээр болохгүй нь УИХ-ын гишүүн С.Ганбаатарын мэдэгдлээс харагдаж байна.

Ц.Нандин  

Zaluu.com