“Цагтаа цалгиж, цалингаа буухаар наргиж явлаа” гэдэгчлэн алтны магнат хэмээн олонд танигдсан Ц.Мянганбаяр “Монгол газар” компанийнхаа дампуурлыг зарлаж, хэдэн зуун тэрбумаар тоологдох их хэмжээний өр төлбөрт унаад байгаа. Сайхан хүүхнүүдийн эрлэг гэгддэж явсан мань эр олны танил топ модель, мисс хүүхнүүдэд баруун солгойгүй мөнгө цацан өвөр түрийдээ орсноо хэнээс нуудаггүй.
Цаадуул нь ч бүр ид бах болгон хэвлэлээр нэг ярьж, үе мултарсан хөгшин эрд хүүхэд төрүүлж өгөхөөр “уралдсан” түүх хэд хэдээрээ бий. Тэгвэл одоо сайхан хүүхэн байтугай сайн машинд ч мөнгө зарцуулж чадахгүй болсноо албан ёсоор зарлаж суугаа Мянгаа ах маань цайгаа ч хувааж уух хүнгүй шахам ганцаардсан сурагтай. “Монгол газар” компаниас өр төлбөрөө нэхсэн өч төчнөөн хохирогчдын нэхэл хатуухан зарга, элдэв хэл амнаас тэр үнэндээ залхаж гүйцжээ.
Харин сүүлийн үед 500 гаруй тэрбумын өртэй гэгдээд байгаа эрхэм алтны магнатаас өрөө нэхсэн зарим хохирогчид нь түүний амраг бүсгүйчүүдийг “онилж” эхэлсэн бололтой. Тэртээ тэргүй үнэтэй машин, тансаг сууцнаас эхлээд л үй түмэн бэлэг сэлт авч өгөлцсөн нь тодорхой байхад Монголын мисс, топууд ч гэсэн Мянгаа ахыг төлөлцөх ёстой гэж үзэх хүмүүс ч цөөнгүй байна.
Б.Содон
