Жил бүрийн баяр наадмын төсөв өсдгөөрөө өсч энэ жил 2,7 тэрбум төгрөгөөр наадана. Ингэж өсөх болсон шалтгааныг иргэд 5 хоног амарч наадамлахтай холбоотой гэж албаныхан тайлбарлаж байгаа. Эдийн засаг хүндхэн хямралын давалгаа буураагүй байгаа өнөө үед ийм үрэлгэн наадах хэрэг байна уу хэмээн хэвлэл мэдээллийнхэн онцлон шүүмжлэл өрнүүлж байна. Өнгөрсөн жилийн наадмын төсөв задрахад төрийн тэргүүн болон индэр дээр тухалдаг улстөрчдийн хуушуурны зардал 10 сая хүрч олныг бухимдлыг төрүүлж байсан удаатай. Мөн энэ жилийн наадмар холливудын алдарт од Ж Ло манай улсад ирэх сураг гарч ийм өндөр үнэтэй од урих хэрэгтэй хэмээн хэлэлцүүлэг өрнөж орхив. Гэвч энэ жилийн наадмаар ирэхгүй нь тодорхой болж байх шиг.
Үрэлгэн хэмээн шүүмжлэгдэж байгаа энэ жилийн наадмын төсвийн задаргаа
Үндэсний бөхийн барилдаанд 85 сая 726 мянга
Хурдан морины уралдаанд 227 сая 360 мянга
Сур харваанд 28 сая 777 мянга
Шагай харваанд 28 сая 190 мянга
Урлаг соёлын арга хэмжээнд 812 сая
Аварга адуучин шалгаруулахад 104 сая 455 мянга
Төрийн соёрхол хүндэтгэлийн арга хэмжээнд 93 сая 60 мянга
Хэв журам хамгаалахад 267 сая 42 мянга
Тохижилт засвар худалдаа үйлчилгээнд 769 сая 514 мянга
Урилга хөтөлбөр бусад зүйлс хэвлэхэд 32 сая
Бусад арга хэмжээнд 224 сая 796 мянга
Хэвлэл мэдээлэл сурталчилгаанд 18 сая 600 мянган төгрөг тус тус зарцуулахаар төлөвлөжээ. Баяр наадмын орлогоос 375 сая төгрөг олохоор төлөвлөжээ.
Ипотекийн зээлийн урьдчилгаа 30 хувийг 10 хувь болгох уу?
Ерөнхий сайд Ч.Сайханбилэг баасан гарагийн чуулганы хуралдаанд оролцож мэдээлэл өгөхдөө орно сууцны зээлийн урьдчилгаа 30 хувийг 10 хувь болгох боломжтой. Эдийн засгийн хүндрэлтэй үед төр иргэддээ дэмжлэг үзүүлэх хэрэгтэй. Орон сууцны зээл үргэлжилдгээрээ үргэлжилнэ. Барилгын компаниуд орон сууц барьсан ч бэлэн мөнгөний боломжгүй иргэд худалдан авч чадахгүй байна. Өнөөдөр эзнээ хүлээсэн 36 мянган орон сууц байна. Хэрэв зээлдэгч 10 хувийн урьдчилгаа өгвөл банк эрсдэл гаргаж 90 хувийн эрсдэл гаргаж санхүүжилт хийх болмож хомс. Тэгэхээр засгийн газар 20 хувийн урьдчилгаанд эрсдэл гаргаж банкинд баталгаа гаргах маягаар төлнө гэж тооцоолж байгаа бололтой.
Мөн түүнчлэн ипотекийн зээлд хамрагдах орон сууцны ам метрийг 80 м2-аар тогтоосон. Тэгвэл салбарын сайдын хэлж буйгаар энэхүү хэмжээг 150 м2 болгохоор судалж байгаа гэх. Үүнээс дээш болвол тансаг зэрэглэлд орно гэдгийг хэлж байв.
Н.Алтанхуяг АТГ-ын мөрдөн шалгах хэлтсийг татан буулгах санаагаа ил болгов
Ерөнхий сайд асан Н.Алтанхуяг Эрүүгийн байцаан шийтгэх хууль, Прокурорын байгууллагын хууль нэмэлт өөрчлөлт оруулах тухай хуулийн төслийг өнгөрсөн долоо хоногт өргөн барилаа. Хэрэв энэхүү хууль батлагдвал прокурорын дэргэдэх мөрдөн шалгах хэлтсийг сэргээн байгуулах юм байна. Түүнчлэн энэ хуулийн цаана ажил хийлгэхгүй байна хэмээн үзэн ядаж байсан АТГ-ыг харъяаллын хэргүүдээс нь салгах давхар зорилго нуугдаж байна гэдгийг хөндлөнгийн мэргэжлийн байгууллагынхан дүгнэж байна. Хууль санаачлагчийн хэлж буйгаар мөрдөн шалгах хэлтсийнхэн хүний эрхийг дээдлэх болно гэж хэлсэн юм.
Дубайн гарын үсэг зурах ёслолын шүүмжлэл өрнөсөөр
Оюутолгойн далд уурхайн санхүүжилтын төлөвлөгөөг үзэглэсэн нь Монгол улсад орж ирэээгүй байгаа өрийг төлөх, Монголд 2 тэрбум долларын алдагдал хүлээсэн улстөр, эдийн засгийн хариуцлагагүй үйлдэл болсон хэмээн парламент дахь улстөрийн зарим бүлэг тэр дундаа Шударга ёс эвслийн бүлгийнхэн үзэж байна. Мөн зарим улстөрчдийн хэлж буйгаар Оюутолгойн ордыг 15 банкны барьцаанд тавьсан гэх ноцтой бөгөөд но-той баримтыг элгэж байна. тэдний хэлж буйгаар Өмнийн говийг хөгжүүлэхээр Оюутолгойгоос өгч байсан хандив тусламжийг дандаа зээл тусламжинд хамруулж хүү тооцож байгааг илрүүлсэн байна. Валютын ханшийн өөрчлөлтийг тооцоод зөрүүг зардал оруулдаг, Бээжин дэх төлөөлөгчийн газрын зардлыг хөрөнгө оруулалтын зардалдаа оруулахдаа манай талд мэдэгдээгүй гээд хүний санаанд оромжгүй булхай ихээр илэрсэн байна. Ийм хуудуутай хөрөнгө оруулалтын төлөвлөгөөг сайн байна, манай талд ашигтай гээд хүлээгээд авсан бай на гэх харамсмаар мэдээлэл ил боллоо.
Монголын уул уурхайн аж ахуйн нэгжүүд зогсонги байдалд байна
Өнөөдрийн байдлаар Ашигт малтмалын газар бүртгэлтэй 223 аж ахуйн нэгж байдгын 102 олборлолто эхлүүлэх хугацаа болсон. Гэтэл 47 нь үйл ажиллагаагаа явуулж байгаа гэсэн байна. Бусад нь цаг агаар наашилж ажил эхлэх болсон байтал үйлдвэрлэл, олборлолтоо эхлүүлээгүй зогсонги байдалд орсон гэж байна.
Ингэснээр нүүрсний уурхай, алт, жоншны зарим уурхай зогсонги байдалд байгаа болохоор тэн ажиллаж байсан хүмүүс хот руу ажил хийхээр нүүдэллэж эхэлсэн гэдгийг энэ салбарт ажиллаж байгаа иргэд хэлж байна. Өнөөдрийн байдлаар Тавантолгойн нүүрснээс өөр хил давж байгаа экспорт байхгүй байгаа гэх. Уул уурхайгаа түшиглэсэн ганцхан тулгуурт эдийн засагтай манай улсад ийм байхад эдитйн засгийн нааштай үр дүн гарна гэхэд эргэлзээтэй харагдаж байна.
ЭХ СУРВАЛЖ : TIMES.MN
