-Сүүлийн найман сарын дотор Хятадын инфляци 2016 оны тавдугаар сард удааширч, хүнсний бүтээгдэхүүний үнийн өсөлт багаслаа. Тэр нь Ардын банкинд мөнгө зээлийн бодлогыг зөөлрүүлэх боломжийг өгч байгаа юм.
Тавдугаар сард хэрэглээний үнийн индекс хоёр хувиар буюу жилийн дундаж үзүүлэлтээр 2,3 хувиар өслөө гэж БНХАУ-ын Статистикийн үндэсний товчоо мэдээлэв. “The Wall Street Journal” соины асуусан шинжээчид дундажаар 2,2 хувийн өсөлтийг хэлж байлаа.
Инфляцийн хурдын сааралт нь “Хятадад мөнгө зээлийн бодлогоо зөөллөх боломжийг өгч байна” хэмээн “IG Markets” байгууллагын шинжээч Ангус Николсон хэлэв. Мөн түүний сануулснаар, Хятадын засгийн газар энэ онд инфляцийн төвшинг гурван хувь байлгах төвшинг тогтоосон гэлээ. Дефляцийн даралт нь эрэлтийн буурсан сануулга бөгөөд тэр нь компани, хувь хүний өр төлөлтөд хүндрэл учруулж магадгүй юм. “Хэрэв CPI (хэрэглээний үнийн индекс) хоёр хувиас доош унавал тэр нь Хятадын сануулах тэмдгүүд болох юм. Үүний улмаас дэмжих хөтөлбөрт өөрчлөлт оруулах шалтаг үүсч магадгүй” гэж Ангус Николсон үзэж байгаа аж.Хүнсний бүтээгдэхүүний үнэ төрөвдүгээр сарын 7,4 хувиас тавдугаар сард 5,9 хувь хүртэл унасан нь тавдугаар сарын инфляцийн төвшинг буулгах гол шалтгаан байлаа. Сарын дотор хүнсний ногоо 21 хувиар, гахайн махны үнэ 3,2 хувиас 2,3 хувь хүртэл буурчээ. Хүнсний бүтээгдэхүүний үнэ дөрөвдүгээр сард 1,1 хувийн өсөлтийг харуулсан байлаа. Үйлдвэрлэгч нарын үнэ (индекс PPI) өнгөрсөн сард өмнөх сарын 3,4 хувиар унасан байсныхаа дараа 2,8 хувиар доошлов. Үйлдвэрлэгчдийн үнийн уналт 51 сар дараалан доошилж байна. Учир нь үйлдвэрүүд худалдан авагчдад шаардлагатай хэмжээнээс илүү бүтээгдэхүүнийг гаргасаар байгаа юм. Хоршооллын өр эдийн засагт дарамт үзүүлсээр байна. Тавдугаар сарын үйлдвэрлэгчдийн үнийн уналт нь харин шинжээчдийн өмнөх дүгнэлтээс доогуур гарчээ. Түүхий эдийн үнэ өсөх хандлагатай байгаагаас Хятадын үйлдвэрлэгчдийн үнийн үзүүлэлтийн хамгийн тааруу төвшин ард хоцорлоо гэж шинжээчид хэлж байна.

Эх сурвалж: