УИХ-ын гишүүн Х.Тэмүүжин өөрийн цахим хуудсанд  “Цалин авахдаа ажиллаж байна гэх, хариуцлагаа хүлээх болохоор амарч байсан гэх! Шүүхийг хүртэл гар хөл болгох! игзаар” хэмээн бичсэн нь зарим хүмүүсийн гайхлыг төрүүлэв. Тэрбээр Хууль зүйн сайдаар ажиллахдаа сүүлийн хэдэн сарын турш Цагдаагийн ерөнхий газрын дарга асан Б.Билэгттэй ил, далд зөрчилдсөөр байлаа. Х.Тэмүүжинг хар тамхины хэрэгт холбогдсон бүсгүйтэй “явалдсан” гэх болон төрүүлсэн үрээ харийн хүнд үрчлүүлэх нэрээр өөртөө мөнгө хуримтлуулсан зэрэг мэдээллүүдийг цацсан цагдаагийн хурандаа нарын цаана эрхэм “анд” Б.Билэгт нь маасайгаад сууж байсан гэдэг. Түүнчлэн Х.Тэмүүжингийн хийж эхлүүлсэн хууль зүйн шинэтгэлийг Б.Билэгт дэмжээгүй.  Иймээс занаанд өртөж,  албан тушаалаас хусагдахад хүрсэн юм. Бригадын генерал Б.Билэгт харин ажлаас халагдаад зүгээр суусангүй. “Намайг амарч байх хооронд халчихлаа” хэмээн шүүхээр заргалдсан. Анхан шатны шүүхээс түүнд харин хэдэн сарын үндсэн цалинг нь олгуулахаар шийдсэн юм билээ. Гэвч хашир дээд шатны шүүхэд хандах аж. Х.Тэмүүжин түүний ийм алхамд  бууж өгөхийг хүссэнгүй. Тиймээс цахим хуудсандаа тийнхүү бичжээ.  Х.Тэмүүжингийн сайд байх үедээ баталсан ээлжийн амралт эдлэх албан тушаалтны жагсаалтанд Б.Билэгтийн нэр байгаагүй гэнэ.

О.Баяр tumen.mn