Энэ мэдээ хуучирсан буюу 2023/04/20-нд нийтлэгдсэн мэдээ болно.

Н.Сүндий хорих ангид гар утас хэрэглэдэг байсан нь тогтоогджээ

2020 оны сонгуульд Ардчилсан намаас УИХ-д нэр дэвшихээр горилож байсан, “Неткапитал” ББСБ-ын үүсгэн байгуулагч Д.Сүндий авлигын хэрэгт буруутгагдан Говьсүмбэр аймаг дахь 425-р хорих ангид ял эдэлж байгаа юм. Тэгвэл Д.Сүндий нь ял эдэлж байх хугацаандаа гар утас ашигладаг байсныг эх сурвалж бидэнд мэдээллээ.

Тодруулбал, 425-р хорих ангийн дэд дарга Дөлгөөн Д.Сүндийд хорих ангид гар утас ашиглах зөвшөөрлийг олгосон байна. Ингэхдээ I-Phone 13 promax утсыг хэрэглэдэг байсан нь тогтоогджээ. Тус үйлдэлд 425-р хорих ангийн дэд дарга Дөлгөөнд хариуцлага тооцож, Багануур дахь хорих ангийн ахлах төлөөлөгч болгон албан тушаал бууруулсан аж.

“Неткапитал” ББСБ-ын үүсгэн байгуулагч Д.Сүндий өөрийн эхнэр Н.Ундрахын биед халдан хавиргыг нь хугалж, хүндэвтэр гэмтэл учруулсан хэргээ хэрэгсэхгүй болгон хаалгахын тулд Сүхбаатар дүүргийн цагдаагийн газрын мөрдөгч Т.Батсайхан, ХУД-ийн цагдаагийн нэгдүгээр хэлтсийн мөрдөгч, цагдаагийн ахмад Г.Даваажав нарт 5-10 сая төгрөгийн хахууль өгч байсан. Улмаар тус хэрэг олны өмнө ил болж Д.Сүндий авлигын хэрэгт буруутгагдан, гурван жилийн хорих ял авсан ч шүүхээс зургаан сар болгон бууруулсан байдаг.

Сайд бичиж байна | ОЛУУЛАА НҮДЭЭ НЭЭЕ!
Сайд бичиж байна | ОЛУУЛАА НҮДЭЭ НЭЭЕ!
 
Т.Мөнхсайхан: Үнэтэй, чанаргүй эмийн асуудалд бодит өөрчлөлт хийнэ
Т.Мөнхсайхан: Үнэтэй, чанаргүй эмийн асуудалд бодит өөрчлөлт хийнэ