Манай улсын цэнгэг усны ихэнх хувийг эзэлдэг Хөвсгөл нуур бохирдох аюул тулгараад удаж байна. Үүнд гадаад, дотоодын иргэд, судлаачид онцгой анхаарч буй. Тухайлбал, УИХ-ын гишүүн Л.Энх-Амгалан Хөвсгөл нуурын бохирдлын судалгааны ажилд хувиасаа 100 гаруй сая төгрөг зарцуулжээ. Одоогоор нуурын ёроолд 70 гаруй тээврийн хэрэгсэл живээд байгаагийн 3 нь шатахуун ачиж яваад живсэн байна. Юун түрүүнд эдгээр шатахуунтай машинуудыг уснаас гаргаж авахгүй бол бохирдол улам нэмэгдэх аж. Далайн ёроолоос хог хаягдлыг гаргах нь тийм ч амар хялбар ажил биш.  Ялангуяа манайх шиг технолог муутай улсад адаглаад шумбагч онгоц байхгүй тул хүндрэл ихтэй. Гэхдээ судлаачид ямар аргаар ажиллахыг судлан удахгүй сонголтоо хийх  ажээ.

Б.Баяр 

tumen.mn