Улаанбаатар хотод 2014 оны эхний 11 сарын байдлаар бүртгэгдсэн 550 гэмт хэрэгт 570 хүүхэд холбогдож, гэмт хэргийн улмаас 867 хүүхэд хохирчээ. Эдгээрийг өмнөх оны мөн үеийнхтэй харьцуулахад насанд хүрээгүй хүмүүсийг үйлдсэн гэмт хэрэг 9,8 хувиар, холбогдогч 5,4 хувиар,  хохирогч 5,9 хувиар тус тус өссөн үзүүлэлттэй байна.

Архи согтууруулах ундааны чиглэлээр Нийслэлийн хэмжээнд 2014 оны 11 сарын байдлаар согтууруулах ундаа худалддаг, түүгээр үйлчилдэг аж ахуйн нэгж байгууллагуудад давхардсан тоогоор 3174 удаа хяналт шалгалт явуулжээ.  Үүнд  1532 иргэн, аж ахуй нэгжийг Монгол Улсын “Архидан согтуурахтай тэмцэх тухай” хууль болон бусад хууль тогтоомжийн дагуу торгуулийн болон үйл ажиллагаа явуулах зөвшөөрлийг цуцлах арга хэмжээ авсан байна.

Б.Баяр

Эх сурвалж: Түмэн.мн