Өнөөдөр Хөгжлийн банкны гэх тодотголтой нэр бүхий 80 хүн, 4 хуулийн этгээдийн оролцсон шүүх хуралдаан Улсын Дээд шүүхийн танхимд боллоо.

540 хавтаст хэрэг бүхий хэргийг хэлэлцэж, 41 шүүгдэгч болон тэдгээрийн өмгөөлөгч нарын гаргасан хэрэгтэй холбоотой гомдол болон проукрорын гаргасан эсэргүүцэлд үндэслэн хэргийг өнөөдөр хэлэлцсэн юм.

Хуралдааны үеэр шүүх хуралдаан даргалагч шүүгч М.Пүрэвсүрэн: Шүүгдэгч Батбаатарт холбогдох хэргээс бусдыг нь хэвээр үлдээсэн. НВЦ компанийн Ц.Баатарбилэг нарын хүмүүст хатгагчаар хамтран оролцсон гэж үзсэн анхан шатны шүүхийн дүгнэлт үндэслэлтэй байна. Эдгээр хүмүүс учруулсан хохирлоо төлөөгүй, хор хохиролыг арилгаагүй байхад торгох ял оногдуулсан нь үйлдсэн гэмт хэргийн нийгмийн хор аюулын шинж чанар, учруулсан хор хохиролд тохироогүй, шударга ёсны чанарт нийцээгүй гэж энэ талаар прокурорын гаргасан эсэргүүцэл үндэслэлтэй байна. Эрүүгийн хуулийн 3,4-р ангийн 20-д зааснаар хатгагчид гүйцэтгэгчээс багагүй ял оногдуулна гэсэн зохицуулалттай. Энэ зарчим зөрчигдөж, шүүх ял шийтгэхдээ эрүүгийн хуулийг буруу хэрэглэсэн байна. Ё.Баатарбилэгийг НВЦ компанийн зээлтэй холбоотой хэргийг тус компанийн захирал Ц.Баатарбилэгээс 100 мянган ам.долларын хахууль авсан үйл баримт, түүнд авагдсан хууль ёсны дүгнэлт үндэслэлтэй бөгөөд тухайн үед үйлчилж байсан эрүүгийн хуулийн 22.4 дүгээр зүйлийн 6-д зааснаар 5 жил хорих ял шийтгэхээр заасан нь түүний гэм бурууд тохирсон байна. Гэмт хэрэг үйлдэхэд дурдагдсан мөнгийг Ё.Баатарбилэгээс 73 сая төгрөг гаргуулах байсныг 100 мянган ам.доллар 246 сая төгрөг гаргуулах болгон өөрчилж байна " гэсэн юм.

Ингэснээр БСШУ-ны сайд асан Ё.Баатарбилэгийг нийтийн албанд томилодох эрхийг 4 жилээр хасаж 5 жилийн хорих ял оногдуулсан гурван шатны шүүхийн шийдвэрийг хэвээр үлдээж байна.

Улсын дээд шүүхийн шийдвэрийн араас ШШГЕГ-аас Ё.Баатарбилэгийг хорих, ялыг эдлүүлэх процесс үргэлжлэх юм.