Таван жил засаглахдаа улсын хөгжлийг элгээр нь хэвтүүлж, эх орноо тонон дээрэмдсэн экс Ерөнхий сайд Л.Оюун-Эрдэнийн балгийг улсаараа үүрч чардайж явна. Энгийн жишээ дурдвал 2019 онд талбай дээр Л.Оюун-Эрдэнэ, Х.Нямбаатар, Ж.Батзандан, Т.Аюурсайхан, Лу.Болд нарыг жагсаж явахад талх 1000 төгрөг, доллар 1800 төгрөг, нэг өрөө байр 40-50 сая төгрөг байсан. Харин одоо долларын ханш хоёр дахин нэмэгдэж, өргөн хэрэглээний бараа, бүтээгдэхүүний үнэ сараар бус цаг минутаар нэмэгдэж, ард түмэн туйлдаж гүйцэв. Иймээс нийгэм тэр чигээрээ шударга ёсыг нэхэж, төрөөс төрсөн их наядын хулгайч, дээрэмчдийг шийтгэхийг шаардаж буй. Энэ хаврын улстөр ширүүхэн эхлэх нь дамжиггүй. Ерөнхий сайд Г.Занданшатар “Манай засаг авилгатай, авлигачидтай тэмцэнэ!” гэдгээ зарласан. ХЗДХ-ийн сайд Б.Энхбаяр “Нүүрсний хулгайчууд халуун оронд далайн эрэг дээр тарвалзаж ханасан бол одоо эх орондоо ирж мэдүүлгээ өгцгөө!” гэж жиргэсэн.

Ямар ч байсан энэ хаврын чуулганаар УИХ-ын нэр бүхий дөрвөн гишүүнийг эргүүлэн татах, эрхийг нь түдгэлзүүлэх улмаар шорон луу ачих нь тодорхой болсон. Үүнд гадаадын компаниас их хэмжээний санхүүжилт авч, УИХ-ын гишүүн болсон Э.Болормаа, төрийн эрхийг хууль бусаар авах хуйвалдааныг удирдан зохион байгуулсан гишүүн Х.Булгантуяа хоёрыг МАН-ын бүлэг шүүхийн сандалд суулгахаар болжээ. Харин таван нам дамжин АН-д орсон С.Ганбаатарыг эхнэр, ах дүүсийнхээ нэр дээр 37 компани байгуулан олон тэрбумын мөнгө угаасан, МҮЭ-ийн дарга байхдаа эрх мэдлээ хэтрүүлэн газар зарж хөлжсөн үндэслэлээр АТГ-аас эрүүгийн хэрэг үүсгэн шалгаж байсан. Тэгвэл “Эх оронч” нэрээр улсын хөрөнгө цөлмөж явсан С.Ганбаатарын хэрэг прокурор руу шилжсэн бөгөөд УИХ-ын гишүүний бүрэн эрхийг нь түдгэлзүүлсний дараа шүүхээс ял оноох нь тодорхой болжээ. Дөрөв дэх гишүүн маань “Загалмайлсан эцэг” буюу Женко Х.Баттулга. Төрийн мэдлийн “Төгрөг нуур”-ын стратегийн нүүрсний ордыг зувчуулан Хонконгийн бирж дээр 250 сая доллаар зарсан. Энэ талаар УИХ-ын дарга Н.Учрал тодорхой ярьсан болохоор орхиё. Харин стратегийн нүүрсний орд зарсан гишүүн Х.Баттулга “Занданшатар буцаагаад авчихсан гээ биз дээ. Одоо надад хамаагүй” гээд малилзтал инээгээд ярьж явсан. Хулгайч айлаас алт мөнгөн эдлэл хулгайлаад баригдсан бол “Би хулгайлсан эд зүйлээ буцаагаад мөрдөн байцаагчдаа өгчихсөн. Тэр айл ямар ч хохиролгүй болсон. Одоо надад хамаагүй” гээд инээж зогсох уу? Шууд ял аваад шорон луу маршилна. Гэтэл Х.Баттулгад хууль үйлчлэх ёсгүй юу? Тэр хуулийн дээр амьдардаг хүн юм уу гэж нийгэм бухимдаж байна. Иймээс дээрх дөрвөн гишүүний бүрэн эрхийг түдгэлзүүлэн, гэмт хэрэг үйлдсэн жирийн иргэний адил цагдан хорьж шалгахаар болсон ажээ. Гэхдээ энэ дөрвөн гишүүнээр авилга, хээл хахууль, албан тушаалын хэрэг дуусахгүй. Хорих-461 дүгээр анги руу ачих олон гишүүн УИХ-ын гишүүн нэрийн дор нуувчинд амьдарч байгааг сануулахад илүүдэхгүй.

Horiotoi.mn