УИХ-ын гишүүн, ХХААХҮ-ийн сайд Ц.Идэрбат, УИХ-ын гишүүн М.Ганхүлэг, Хэнтий аймгийн Засаг дарга Д.Аюурбунь нар "Хүнсний ногооны үйлдвэрлэл ба усалгаатай хөдөө аж ахуй" төслийн хүрээнд хэрэгжиж буй Хэнтий аймгийн Хэрлэн сумын Дулааны талын услалтын систем суурилуулах дэд төслийн бүтээн байгуулалтын явцтай танилцлаа.

ХХААХҮЯ-ны захиалга, Азийн хөгжлийн банк, Ази, Номхон далайн хөгжлийг дэмжих Япон сангийн санхүүжилтээр хэрэгжиж буй уг төслийн гүйцэтгэгчээр "Жинсийн орой" ХХК ажиллаж байна. Тус компани 2021 онд ажил гүйцэтгэх гэрээ байгуулснаас хойш таван удаа нэмэлт, өөрчлөлт оруулж, гэрээний хугацааг гурван удаа сунгаад байгаа аж. Энэ хугацаанд 5,585,988,093 төгрөг байсан төслийн өртөг 8,049,506,000 болж нэмэгдсэн байна.

Уг төслийн бүтээн байгуулалтын ажлыг 2026 оны 6-р сарын 20-нд хүлээлгэн өгөхөөр төлөвлөжээ.

ХХААХҮ-ийн сайд Ц.Идэрбат услалтын системийн бүтээн байгуулалтын ажлыг чанарын өндөр түвшинд гүйцэтгэх, ил хийцтэй эргийн ус татамжийн барилга, насос станц, хуваарилах хоолой, бороожуулагч, хамгаалалтын хашаа, ногоон зурвас зэргийг байгууламж тус бүрээр гүйцэтгэлийг нь нарийн шалгаж хүлээж авахыг чиглэл болголоо