Дэлхийн дуурийн шилдэг дуучдын нэгээр тодорсон, гавъяат дуучин Г.Ариунбаатар М.И.Глинкийн нэрэмжит олон улсын дуулаачдын XXIV уралдааны I байр, Шилдэг баритон дуучны шагнал, Муслим Магомаевын нэрэмжит олон улсын дуурийн дуулаачдын III уралдааны I байр, Олон улсын дуулаачдын Байгал II уралдааны тэргүүн байрын шагнал, П.И.Чайковскийн нэрэмжит олон улсын мэргэжлийн дуурийн дуулаачдын XV уралдааны I байр, Гран при шагналыг тус тус хүртэж, Монголынхоо нэр алдрыг цуурайтуулж чадсан билээ.

Хэдэн жилийн өмнө Оросын Холбооны Улсын Санкт-Петербург хотын Мариинский театрт болон Буриадын Дуурь Бүжгийн Эрдмийн театрын гоцлол дуучнаар ажиллаж байсан ч саяхан түүнийг оросууд гадуурхан хөөжээ.

Энэ талаар Г.Ариунбаатар өөрийн нүүр номоороо дамжуулан “Өнөөдөр Буриадын театрыг орхиж байна. Биднийг бараг л хөөлөө. Монголчуудыг ажиллуулахгүй гэнэ. Жалга дов гэж.. бага бол бага л гэлтэй” хэмээн учир битүүлэг зүйл бичжээ.

Тийм дээ. Монголчууд бидний боловсролгүй, нүд тайлаагүй, хэл усгүй хэсэг нь “Орос ах” гэж хөлөө хугалах шахам гүйдэг болохоос бус амьдрал дээр хойд хөршийн ард түмэн, ялангуяа залуу үе нь биднийг үл тоож, “Тэнэг балай, бүдүүлэг, зэрлэг, соёлгүй хүмүүс” хэмээн ад үздэг. Оросын хилээр нэвтрэхэд л монголчуудыг доромжилж эхэлдэг оросууд өөрийнх нь нутаг дэвсгэр дээр сайн сайхан явж буй монголчуудыг нэг нүдээрээ үзэхгүй. Дэлхийд данстай дуурийн дуучин, МУГЖ Г.Ариунбаатарыг Буриадын театрт анх уригдсан цагаас л оросууд таагүй хандаж эхэлжээ. Үүнд нэмээс болсон зүйл нэрт дуучин хэдэн жилийн өмнө Чингис хааны одонгоор шагнуулсан. Оросуудын хувьд Чингис хаан, Бат хаан гэдэг нэрийг сонсох тун дургүй байдаг. Дэлхийд нэр алдраараа өөрсдөөс илүү гарсан Монголын дуурийн дуучин, Чингис хааны одон зүүсэн байхыг хараад атаархал, хорсол төрсөн бололтой.

Хэдийгээр буриадууд элэг нэгт дуучнаа аль болохоор хүндлэн хүлээж авсан ч хамт ажиллаж буй оросууд болон орос үзэгчид түүнийг илтэд доромжилж, тохуурхдаг байсан гэнэ. Ажилдаа алдаа мадаг гаргахгүй байсан учир арга буюу монголчуудыг ажиллуулахгүй хэмээн ажлаас нь халж орхижээ. Уг нь дэлхийд данстай, дуурийн таван шилдэг дуучны нэгээр шалгараад буй түүнд дэлхийн дэвжээ байгаа. Хэл усаа сайжруулах, гадаад улсын менежментийг судлах зорилгоор хойд хөршид урилгаар ажилласан боловч бүдүүлэг, тэнэгээрээ дэлхийд толгой цохидог оросууд Г.Ариунбаатарыг “Буриадын театрт чи тэнцэхгүй” хэмээн хөөжээ. Үнэн хэрэгтээ түүнд Буриадын театр жижигдэнэ. Сүүлийн үед Орос Н.Басковоос хойш дуурийн олигтой дуучингүй болсон нь ч оросуудын уур омгийг дээд цэгт нь хүргэж, гавъяат дуучин Г.Ариунбаатарыг хөөх аятайхан шалтаг болжээ.