Өлзийт - Мөрөн -Тариалан чиглэлийг холбох 120 км хатуу хучилттай авто замын төслийг дуусгах хүсэлтийг харгалзан гэрээний хугацааг сунгах засгийн газрын тогтоол батлагджээ. Энэ талаар УИХ-ын гишүүн, боловсролын сайд Л.Энх-Амгалан мэдээлэл өглөө. Тэрээр энэ төсөл яагаад зогсов. Л.Энх-Амгалан гишүүн энэ төслийг эхлүүлнэ гэж олон жил ярьж байснаа алга боллоо гэж нэр бүхий хүмүүс улстөрийн өнцгөөс асуужээ. Мэдэж байхад илүүдэхгүй гэж баримт түүх сөхөж, энэ замын төсөл 2026-2027 онд дуусах бүрэн боломжтой гэдгийг хэлье.

Анх “Дашинчилэн-Орхоны гүүр чиглэлийн замаас Өлзийт сум, Өлзийт сумаас Мөрөн-Тариалан чиглэлийн замын төгсгөлийг холбох 120 км хатуу хучилттай авто зам төсөл”-эхэлсэн.

Тус замыг БАРИХ ШИЛЖҮҮЛЭХ төрлөөр хэрэгжүүлэхээр Монгол Улсын Засгийн газрыг төлөөлж Үндэсний хөгжлийн газар болон концесс эзэмшигч Шинжан Шинфа ХХК-ний хооронд 2017 оны 04 дүгээр сардын 12-ны өдөр концессийн гэрээ байгуулсан.

Концесс эзэмшигч нь 2019 онд барилга угсралтын ажлыг тогтсон гэрээндээ дуусаагүй тул холбогдох хүсэлтийг үндэслэн 2020, 2022 онд конессын гэрээнд нэмэлт өөрчлөлт оруулж хугацааг сунгасан.

Хяналтын зөвлөхийн Зам барилгын ажлын тайланд "2024 оны 10 дугаар сарын байдлаар зам барилгын ажил 72 хувийн гүйцэтгэлтэй, 2025 онд зам, барилгын ажил хийгдээгүй байна.

Концесс эзэмшигч Шинжан Шинфа ХХК нь замын барилгын ажлыг 2026 онд багтаан дуусгаж ашиглалтад оруулах хүсэлтийг ирүүлсэн.

Мөн төслийн хяналтын зөвлөх Ар Си Эс Си ХХК-аас авто замын барилга угсралтын ажлыг бүрэн дуустал буюу улсын комисс ашиглалтад хүлээн авах хүртэл байнгын хяналт, зөвлөхийн үйлчилгээг үзүүлэн ажиллахаа мэдэгдсэн."

Эдгээр нөхцөл байдлыг үндэслэн 2026 оны 05 дугаар сарын 13-ны өдрийн Засгийн газрын хуралдаанаар:

“Дашинчилэн-Орхоны гүүр чиглэлийн замаас Өлзийт сум, Өлзийт сумаас Мөрөн-Тариалан чиглэлийн замын төгсгөлийг холбох 120 км хатуу хучилттай авто зам төсөл”-ийн концессын гэрээний хугацааг 2026 оны 12 дугаар сарын 12-ны өдрөөс өмнө дуусгах, төслийн нийт хөрөнгө оруулалтын дүнг өөрчлөхгүйгээр эргэн төлөлтийн хуваарьт өөрчлөлт оруулахаар тогтоол гаргасан болно гэв.