Умард Солонгосынхон  америкчуудтай тэрсэлдсэн хэвээр байна. Цөмийн зэвсгээр айлгахыг оролдсон өнгөрсөн жилүүдийн сургамжаасаа тэд хаширсангүй. Америкчууд мөн урамдуудыг араандаа зуусаар байна. Сүүлийн сард энэ хоёр улсын хооронд хүний эрхийн асуудал хүчтэй яригдах буй. Умард Солонгосын иргэдийг Америкийн тагнуулын албаныхан эрүүдэн шүүсэн баримт дэлгэгдэж, энэ  талаарх гомдол мэдээллүүд нь НҮБ-ын Аюулгүйн Зөвлөл дээр одоо яригдаж байна. Энэ долоо хоногийн  даваа гарагт болсон Аюулгүйн Зөвлөлийн хуралдаанд харин умард Солонгосын төлөөлөгчид очсонгүй. Зарим тоймчдын хэлснээс үзвэл тэд хэт нэг талыг барьсан яриа тэнд өрнөх байх гэсэн болгоомжлолоосоо болоод очоогүй байж болох ажээ. Нөгөөтэйгүүр, уг асуудалтай холбогдуулан Оросын тал “Энэ бол НҮБ-ын Аюулгүйн Зөвлөлөөр хэлэлцэх зүйл биш. Женев дэх Хүний эрхийн зөвлөлөөр авч хэлэлцэх хэмжээний маргаан” гэжээ. Тийм ч байж болох юм.

Гэхдээ энд бас нэгэн томоохон хэрэг мандав. Юу гэвэл, Урамд Солонгосын зүгээс Америкын эсрэг хакеруудыг ашигласан явдал байлаа. Тухайлбал, саяхан Америкийн Sony Pictures компанийн цахим сүлжээг хакерууд бусниулжээ. Түүгээр ч зогсохгүй “Есдүгээр сарын 11-нийг бүү мартаарай” гэдэг заналхийллийн  үгтэй захидал  илгээсэн байв.  Ажиглагчдын хэлж буйгаар Умард Солонгосын иргэдийг Америкийн тагнуулчид эрүүдэн шүүсэн асуудал нь Женевт байрладаг Хүний эрхийн Зөвлөлөөр хэлэлцэгдэж магадгүй юм байна.

Б.Баяр