Х.Тэмүүжинг  Хууль зүйн сайд байх үед цагдаагийн хэсэг хурандаа нар  түүний эсрэг “хөдөлсөн” тухай хэвлэлүүд шуугиж байлаа.  Тэдгээр “эсэргүү”  хурандаа нарын нэг нь цагдаагийн Зохион байгуулалттай гэмт хэрэгтэй тэмцэх газрын даргаар ажиллаж байсан Ц.Батсүх байв. Тэр Х.Тэмүүжинг тагнаж чанган, хар тамхины хэрэгт холбогдсон Г.Сарангэрэл эмэгтэйтэй  холбон  олон нийтэд  таагүй мэдээллүүдийг түгээсэн “нууц” ноёнтон байсан тухай зарим өмгөөлөгч нар хэлж  байлаа. Тиймээс ч Х.Тэмүүжин нь сайдын ажлаа өгөхөөс өмнө Х.Батсүхийг  ажлаас халсан юм. Харин Ц.Батсүх ажлаас үндэслэлгүйгээр халагдсан хэмээн шүүхэд  хандан заргаа авч, улмаар  саяхан ажилдаа буцаж орсон байна.

Б.Баяр

Эх сурвалж: Tumen.mn