Ардчилсан хүчний холбоо таван нас хүрчээ. Энэхүү ойг тохиолдуулан өнгөрөгч бямба гарагт тус холбооныхон ээлжит их хурлаа хийв. Нийслэлийн есөн дүүрэг, хөдөө орон нутгийн 21 аймагт салбар холбоодтой болсон энэ холбоо нөлөө бүхий хүчин болж буй аж.  Их хуралд аймаг, нийслэл, орон нутгийн гишүүдээс бүрдсэн 700 гаруй төлөөлөгч оролцжээ. Ардчилсан Хүчний Холбооны ерөнхийлөгчөөр УИХ-ын гишүүн, Хүн амын хөгжил, нийгмийн хамгааллын сайд С.Эрдэнэ, дэд ерөнхийлөгчөөр УИХ-ын гишүүн Д.Ганхуяг, Г.Баярсайхан, С.Одонтуяа, Д.Арвин, Ж.Батзандан, Д.Батцогт, гүйцэтгэх захирлаар Т.Энхсайхан  нар ажиллаж байгаа бөгөөд тэд таван жилийн ойн баяр тохиож буйтай холбогдуулан гишүүд дэмжигчидтэйгээ хамт өнгөрсөн хугацаанд хийсэн ажлаа тайлагнаж, цаашид  хийж хэрэгжүүлэх ажлаа хэлэлцсэн байна.

Б.Баяр

Эх сурвалж: Tumen.mn