Хэлье гэснээ хэний ч өмнө бардамхан илэрхийлчихдэг, шударга нь дэндсэн гэмээр хатуухан үгтэй дуучин А.Хишигдалай “Опозит” хамтлагийн гишүүн А.Гантулгатай үерхээд жил гаруйн нүүрийг үзэж буй. Бүтэлгүй дурлалтай учирсан ч, төдийлөн хайхарч үзэлгүй тэгсхийгээд мартсан гэдгээ нуудаггүй тэрбээр энэ удаад зөв сонголт хийсэн хэмээн ихэд итгэлтэй явдаг юм билээ.

“Шударга хөдөлмөрийнхөө хөлс хүчээр олсон мөнгөөр өөртөө үнэтэй хувцас гоёл худалдаж авахдаа огтхон ч санаа нь зовдоггүй” гэж ярих дуртай дуучин маань өдгөө баян эрчүүдийн мөнгөний “боол” яваа охид бүсгүйчүүдийг ихээхэн шүүмжилжээ. Энэ тухайгаа өөрийн цахим хуудсанд “Саяхан нэг царайлаг, өндөр, хөөрхөн охин баян айлын хахаж цацсан хүүтэй үерхэж гэнэ. Гэтэл нөгөөдөх нь найз охиноо мөнгө өгснийхөө хэрээр зодсон гэнэ. Охид минь баян биш баяжих ирээдүйтэй хүнтэй гэрлээрэй. Хүний мөнгө бол хүний л мөнгө. Хэчнээн чамайг тоохгүй байхад чинь чиний араас гүйж, амиа хорлоно, үхнэ сэхнэ гэж авч суусан ч дараа нь “Би чамайг тэжээж байна” гэж хэлүүлэхгүйн тулд санхүүгээ хүнээс хамааралгүй зохицуулж сураарай” хэмээн сургамжлан захижээ.

Эх сурвалж: Photonews.mn