Цагтаа алтны магнат гэгдэж явсан Ц.Мянганбаяр “Монгол газар” компаниа шүүхийн журмаар дампууруулах болсон нь олны гайхлыг төрүүлж буй. Тэрбээр  гадаад, дотоодын олон байгууллагад, олон тэрбумын өртэй. Хашир хамгийн сүүлд Архангай аймгийн Цэнхэр сумын нутагт Орхон голын голдирлын дагуу байгаль орчинг сүйтгэж, их хэмжээний хохирол учруулсан хэргээр эрүүгийн цагдаад шалгагдаж байв.  Түүний учруулсан хохирлын дүн тооцоо  4.3 тэрбум төгрөг болсон юм. Гэвч эрүүгийн хэргийг нь хэрэгсэхгүй болгожээ. Үүнд дургүйцсэн нутгийн иргэд Ц.Мянганбаяраас тэрхүү 4.3 тэрбумын хохирлоо гаргуулж авахын тулд иргэний шүүхэд хандаад байгаа ажээ.  Гэтэл Ц.Мянганбаяр нар нь Орхоны сав газарт дахиж үзлэг шинжилгээ хийлгэнэ хэмээн хариуцлагаас бултахыг оролдож байна. Харин нутгийнхан “Тэр хаа холдохов. Шүүх нь шударгаар шийдэж өгөөсэй” гэж буй аж.

Б.Баяр

Эх сурвалж: Tumen.mn