Өнгөрсөн оны тавдугаар сард Баянзүрх дүүргийн нутаг дэвсгэр буюу Шар хадны эцсийн Хар хошуу хэмээх ууланд онц ноцтой гэмт хэрэг гарсан юм. Хэргийн эзнийг цагдаа нар төвөггүй олж баривчилсан.   Уг хэргийг үйлдсэн Б.Идэрзаяа гэгч нь хоёр бүсгүйтэй бааранд танилцан архидаж, улмаас тэрхүү Хар хошуу гэдэг уулын оройд дагуулж аваачаад нэгийг нь чулуугаар толгой руу нь олон удаа цохиж алаад нөгөө бүсгүйг нь мөн гэрч болгож үлдээхгүйн тулд хөнөөсөн байв. Б.Идэрзаяагийн энэ хэргийг Дүүргийн эрүүгийн хэргийн нэгдүгээр шүүх хэлэлцээд түүнийг 25 жилийн хорих ялаар шийтгэв. Тэрбээр эдлэх ялынхаа 20 жилийг гянданд, 5 жилийг онцгой дэглэмтэй хорих ангид өнгөрүүлэхээр болжээ.

Б.Баяр

Эх сурвалж: Tumen.mn