Монголын Залуучуудын Холбооноос уламжлал болгон зохион явуулж ирсэн “Залуу хүн-2015” цуврал лекцийн энэ хаврын зургаа дахь зочноор Монголын бизнес хөгжлийн төвийн захирал Б.Дөлгөөн уригдаж, “Боловсрол-Хөгжил-Тэмүүлэл” сэдвээр илтгэл тавьж, нээлттэй ярилцлага өрнүүллээ. Түүний хүүхэд нас 90-ээд оны хүнд хэцүү үе буюу хүн бүр картын бараанд дугаарлаж, нийгэмд архидалт газар авч, гэр бүлүүд олноор салж хүүхэд багачууд өнчирч үлдсэн тэр цаг үед өнгөрчээ.Иймд л тэрбээр эдийн засгийн хямралыг даван гарахын тулд энэ салбарын талаар мэдлэгтэй болох ёстой юм байна гэж бодсон гэдэг.Ингээд л эдийн засагч болохоор шийджээ.Түүний хувьд гадны хэд хэдэн улс оронд мэргэжил дээшлүүлж суралцсан нь өнөөдрийн амжилтынх нь эх суурь болж өгчээ.Тиймдээ ч залууст гадны улс оронд суралцахын давуу тал болоод өөрийн туршлагаасаа хуваалцсан.Тэрбээр оюутан залууст хандаж хэлсэн үгэндээ “Аливаа юм бүхнийг сонирхож бай.Сониуч зан л хүнийг их зүйлд сургадаг.Мэдээллээ мэдлэг болгож, тархиа ашиглах тусам л илүү хөгждөг гэдгийг санаарай” хэмээн зөвөлсөн юм.Нийгмийн гол айдас болсон ажилгүйдэл, авилгал, архидалт, агаарын бохирдол энэ бүхнийг үгүй болгохын тулд залуу хүн бүрийн оролцоо чухал. Эх орны хөгжил хүн бүрээс хамаарна гэдгийг ч ойлгуулсан юм.

www.times.mn