Өнгөрөгч 2012 оны сонгуульд МАХН-МҮАН-ын “Шударга ёс” эвсэл Тавантолгойн орд газрыг ард иргэддээ 100 хувь эзэмшүүлнэ хэмээн гарч ирснийг уншигч та сайн санаж байгаа байх. Гэтэл энэ гэрэний 51 хувийг төр эзэмших ёстой хэмээн “шударг ёсчууд” цээжээ дэлдэж суугааг хараад өөрийн эрхгүй цухал төрнө. Тэр ч бүү хэл “Шударга ёс”-оос квот өвөртөлж орж ирсэн О.Баасанхүү ажлын хэсэгт нь орчихлоо. Юун сонгуулийн мөрийн хөтөлбөр вэ. “Шударга ёс” 2012 оны сонгуулиар юу ярьж алгаа тосч явснаа мартчихсан бололтой.
Харин Засгийн газраас өргөн мэдүүлсэн Тавантолгойн нүүрсний ордыг хөгжүүлэх талаар авах арга хэмжээний тухай УИХ-ын тогтоолын төсөл, Таван толгойн ордыг хөгжүүлэхтэй холбоотой хөрөнгө оруулалтын гэрээ болон хавсралт гэрээнүүдийг УИХ-аар хэлэлцэх эсэхийг шийдвэрлэх талаар дүгнэлт гаргах үүрэг бүхий ажлын хэсгийг байгуулсан билээ.
Гэтэл ажлын хэсгийн бүрэлдэхүүнд багтсан байсан УИХ-ын гишүүн М.Сономпил ажлын хэсэгт орохоос татгалзсан гэнэ. Чухам ямар шалтгаанаар татгалзсан тухай түүний байр суурь алга. Ямартай ч тэр өнгөрөгч 2012 оны сонгуульд ямар нам эвслээс юу ярьж гарч ирснээ мартаагүй бололтой. Тэгэхээр О.Сономпилийн зөв.
А.Гал
