Монгол түмэндээ зориулав.


Шуурхай мэдээ

Сураггүй болоод байсан 2 тэрбум төгрөг илрэв

Нийтэлсэн: Монгол Хүү | Нийгэм
2014 12 сар 21 ・ 13909

Хадгаламж банкыг Төрийн банктай нэгтгэх үед нэлээд их хэмжээний мөнгөн данс бүртгэл устаж алга болсон тухай  манай сайт урьд нь мэдээлж байсан билээ. Тэгвэл саяхан нэгэн сэжүүр гарч ирлээ. АТГ болон   цагдаагийн Эдийн засгийн гэмт хэрэгтэй тэмцэх газрынхан үүний мөрөөр шалгаж байна. Нийслэлийн Шүүхийн Шийдвэр Гүйцэтгэх албаны төлбөр төлөгч, төлбөр хүлээн авагчийн харилцах дансыг “Голомт” банкнаас тухайн үед Хадгаламж банкны нэгэн салбар руу шилжүүлсэн байв. Харин удалгүй Шүүхийн шийдвэр гүйцэтгэх ерөнхий нягтлан бодогч н.Алтанхуяг гэгч нь уг дансанд  Нийслэлийн шүүхийн шийдвэр гүйцэтгэх албаны хоёр тэрбум төгрөгийг шилжүүлэн байршуулжээ.  Түүний Хадгаламж банкны тэрхүү салбарын захиралтай  байгуулсан гэрээг харахад хадгаламжийн 7.5 хувийн хүү тооцохоор байв. Гэвч шүүхийн шийдвэр гүйцэтгэх албаны дансанд зургаан сарын дараа ердөө л 3 хувийн хүү бодогдож оржээ. Үлдсэн 4.5 хувь нь хаачив гээд хайгаад явтал н.Алтанхуяг нарын халаас руу орсон бололтой. Иймэрхүү хулгай, залилан, авлигын хэргийг шалгах ажиллагаа үргэлжилж байгаа ажээ.

Б.Отгонбаяр

Эх сурвалж: Tumen.mn


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй