АЛБАН БАЙГУУЛЛАГА, ААН-ИЙН АРИУТГАЛ, ХАЛДВАРГҮЙЖҮҮЛЭЛТЭД ОНЦГОЙЛОН ХЯНАЛТ ТАВЬЖ АЖИЛЛАХЫГ ҮҮРЭГ БОЛГОЛОО

Нийслэлийн Удирдах ажилтнуудын шуурхай зөвлөгөөнд өнөөдөр /2021.06.14/ 08 цагт цахимаар хуралджээ. Үүний дараа СХД-ийн удирдах ажилтнуудын ээлжит шуурхай зөвлөгөөнийг цахимаар хуралдуулж үүрэг даалгавар өгчээ. Хурлын эхэнд өнгөрсөн хуралдаанаар өгсөн үүрэг даалгаврын биелэлттэй дүүргийн засаг дарга Н.Алтаншагай танилцаж, Цагдаагийн газар, Нэгдсэн эмнэлэг, Эрүүл мэндийн төв, Онцгой байдлын хэлтэс болон бусад хэлтэс, албадын удирдлагууд цаг үеийн нөхцөл байдлын талаарх тоон судалгаа, нэгдсэн мэдээлэл солилцлоо.

Короновируст халдварт өвчний нөхцөл байдал хүндэрч байгаа энэ үед Аж ахуйн нэгж, байгууллагуудын халдвар хамгааллын дэглэмийг мөрдүүлж, ариутгал, халдваргүйжүүлэлтийг сайтар хийлгэж, хэрэгжилтэд хяналт тавих, Дархлаажуулалтыг эрчимжүүлж ажиллах, Үерийн аюулаас урьдчилан сэргийлж, гэр хорооллын айл өрхүүдийн нүхэн жорлон, бохирын цооногт ариутгал, халдваргүйжүүлэлт хийж, халдварт өвчнөөс урьдчилан сэргийлэх ажлуудыг шуурхай зохион байгуулахыг удирдлагуудад анхаарууллаа.

Мөн “Covid-19” цар тахалтай тэмцэх, хариу арга хэмжээний төлөвлөлтийг сайжруулж, хэрэгжилтэд онцгой анхаарч ажиллах, Дотоод хэлтэс, албадууд халдвар хамгааллын дэглэм, дүрэм, журмаа сайтар мөрдөж, байгууллагынхаа дүрмээр хүлээсэн үндсэн үйл ажиллагаа болон эхний хагас жилд төлөвлөсөн ажлуудаа эрчимжүүлж ажиллах, Халдварт өвчнөөс урьдчилан сэргийлэх, эрүүл мэндийн байгууллагын хүн хүчний нөөцийг дахин бүрдүүлэх, эрсдэлийг бууруулах ажлыг зохион байгуулах, эмнэлгийн тусламж үйлчилгээний хүртээмжийг нэмэгдүүлж ажиллах зэрэг үүрэг өглөө.

⇐ Ким Жон Ун У.Хүрэлсүхэд мэндчилгээ илгээжээ
Хурандаа нарын хэргийг хэрэгсэхгүй болгожээ ⇒
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!