Тав, зургаадугаар сарыг сонгуульдаж өнгөрөөсөн УИХ-ын гишүүд цар тахлын халдвар авсан тухай мэдээлэл байна. Тодотговол УИХ-ын гишүүн Ц.Мөнхцэцэг, Б.Баярсайхан нарын гишүүнд ковидын халдвар авч тусгаарлагдсан тухай эх сурвалж хэллээ. Эдгээр бүх гишүүд нь өнгөрөгч тавдугаар сараас эхлэн Ерөнхийлөгчийн сонгуулийн ажлаар тус тусын тойрогтоо ажилласан юм.

Харин УИХ-ын гишүүн Ц.Мөнхцэцэг өөрийн цахим хуудаснаа “Нэгдүгээр хавьтагч болсноо мэдээд шинжилгээ өгч эерэг гарсан, хөнгөн байсан тул гэртээ тусгаарлаж эм ууж байгаад зургаа дахь хоногтоо хүндэрч түргэнээр эмнэлэгт ирлээ. Вероселл хоёр дахь тундаа хамрагдсан иргэд эмнэлэгт дүүрэн, өрөөндөө дөрвүүлээ хэвтэн эмчлүүлж байна. Халдварын улаан бүст байдал хүнд, хөл хөдөлгөөнөө багасгаж, хүн бүр болгоомжтой байя. Халуурахгүй хөнгөн хэлбэрээр тусаад, тэгээд хэд хоногоос хүндэрдэг хэлбэр түгээмэл байх шиг байна. Халуурахгүй учраас хүмүүс ковид биш гэж сэжиглэхгүй явж халдвар тараагаад байх шиг. Би нэгдүгээр хавьтагч боллоо гэдгийг мэдсэн даруйдаа шинжилгээ өгч, өөрийгөө тусгаарласан. Ханиахгүй, халуурахгүй, хоолой өвдөхгүй байж байгаад зургаа дахь хоног дээрээ зүрх дэлсэж, даралт огцом нэмэгдэж 150 хүрч, гэртээ байсаар байвал харвалт өгөх байжээ. Архаг хуучгүй, даралт ихэсдэггүй байсан тулдаа эмнэлэгт амжиж ирлээ” хэмээн жиргэсэн байна