Унадаг дугуйгаар ажилдаа явахыг уриаллаа

Батлан хамгаалах яам, ЗХЖШ, ҮБХИС-ийн залуучууд “Ажилдаа унадаг дугуйгаар явцгаая” уриалга гаргажээ. Улаанбаатар хотын авто замын 78 хувь нь байнгын түгжрэлтэй энэ үед тэдний гаргасан уриалгыг дэмжих хүн олон байна. Залуучуудын хэлж буйгаар нэг хүн ажилдаа унадаг дугуйгаар явахад таван минутаар авто замын түгжрэл буурна. Мөн дугуй унаснаар илүүдэл жиндээ санаа зовох хэрэггүй болох юм.

Улаанбаатар хотод 137.5 км дугуйн замтайгаас гадна замын хөдөлгөөний дүрэмд ч дугуйгаар явах заалт тусгасан байдаг. Иймд тэд эхний ээлжид БХЯ-ны харьяа байгууллага, Зэвсэгт хүчний нэгтгэл, ангиуд дугуйн зогсоолтой болох, “Мөрдэстэй дугуйчид”-ын нэгдсэн холбооны фэйсбүүк группт нэгдэхийг уриалаад байна. Цаашид нэгдсэн дугуйчид амралтын өдрүүдэд хугацаат цэрэгтэй Зэвсэгт хүчний нэгтгэл ангид очиж цэргүүдэд яриа хийн, албандаа хандах хандлагыг дээшлүүлэх, сэтгэл зүйн хангалт үзүүлж тэдэнтэй цагийг үр бүтээлтэй өнгөрөөх, байгаль орчноо цэвэрлэх, цэрэг, нийгэмд тустай ажил өрнүүлэх, эвлэлдэн нэгдэх зэрэг олон ажлыг зохион байгуулахаар төлөвлөжээ.

Эх сурвалж: "Монголын үнэн" сонин

⇐ Жирэмсний 14-36 долоо хоногтой эхчүүдийг вакцинд хамруулж эхэллээ
Дэлхийн хамгийн үзэсгэлэнт бүсгүйчүүдтэй 10 орон ⇒
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!