Т.Бэгзсүрэн:Зургадугаар сарын 25-наас хөл хорио тогтоовол халдварын тоо буурна

Нийгмийн бодлогын байнгын хорооны өнөөдрийн хуралдаанаар Коронавируст халдвар /Ковид-19/-ын эмчилгээ, эмнэл зүй, тархвар судлалын талаар Эрүүл мэндийн сайд болон Улсын онцгой комиссын дэргэдэх Эрдэмтдийн зөвлөлийн мэдээлэл хийлээ.

Энэ үеэр судлаач, доктор Т.Бэгзсүрэн “Эмнэлгийн ачаалал долдугаар сарын эхний долоо хоногт нэмэгдэх хандлагатай байна. Эмнэлэгт хэвтэн эмчлүүлж байгаа хүний тоо өнөөдрийн байдлаар 34 мянга байгаа бол долдугаар сарын эхээр энэ тоо 40 мянгад хандлагатай байна. Мөн энэ үед нас баралт оргил үедээ хүрэх төлөв ажиглагдаж байна. Нас баралт одоогийн байдлаар дунджаар 10‑11 бүртгэгдэж байгаа бол долдугаар сарын эхээр 15-д хүрч болзошгүй.Өдөрт илрэх халдварын тоо одоогийн байдлаар явах юм бол 3500 хүрэх нөхцөл байдал ажиглагдаж байгаа.Хэрэв зургадугаар сарын 25-наас 16 хоногийн хугацаатай хөл хорио тогтоох юм бол нийт тохиолдлын тоо 220 мянга хүрэх төлөвтэйгээс 170 мянга болгож бууруулах боломжтой гэдэг тооцоолол гарсан” гэж ярилаа.

⇐ Б.Баатар цахим наадмыг ганцаараа найруулна
Хурандаа нарын хэргийг хэрэгсэхгүй болгожээ ⇒
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!