Цар тахлын хүндхэн нөхцөл байдлын үед БНХАУ-ын Тяньжин дээр олон мянган иргэд, аж ахуйн нэгжийн ачаа гацаад хэдэн сар болов. Гэвч энэ асуудлыг Зам тээврийн сайд Л.Халтар шийдвэрлэх тал дээр дорвитой сэтгэл гаргаж, арга хэмжээ авсангүй. 3000-аад ачаа бараа Тяньжин дээр гацсанаас Засгийн газарт шаардлага хүргүүлж, шүүмжилж хэл ам хийсээр 1000 хүрэхтэй үгүй нь арай гэж Замын-Үүд дээр ирсэн. Тяньжин боомтын хоёр ч том ачаа тээврийн компани манай ачааг тээвэрлэхгүй гэдгээ мэдэгдээд буй.
Ачаа бараа саатсанаас болж өнөөдөр Монголд юмны үнэ тэнгэрт хадаад байна. Гэтэл энэ бүхний цаана сайд нь хөдлөхгүй гэдийсэнтэй холбоотой аж. Иргэд л хор уршигийг нь амсаж байгаа нь даанч харамсалтай. Сайд дарга нар хувьдаа тээвр зуучийн компанитай, эсвэл нөлөөтэй байх нь их. Зам тээврийн яам иргэдийн нүдэн дээр жүжиг тавьж бурууг ачаа тээврийн байгууллагууд руу өгч байгаа нь даанч харамсалтай. Тээвэр зуучийн компаниуд нь сайд дарга нарынхаа үйлдлээс айн, дорвитой дуугарч, үнэн мөнийг хэлж чадахгүй нөхцөл байдалтай байна.
Төрийн хайр ивээлээр сайд болсон Л.Халтар та ажлаа хийнэ үү. Зөвхөн таниас болоод ядарсан иргэд тэнгэрт хадсан юмны үнийг дийлэхгүй сөхөрч байна. Ерөнхий сайд, Л.Оюун-Эрдэнэ яагаад Л.Халтарын ажлыг хийлгэхгүй, толгойг нь илээд өөгшүүлээд байгаа юм бэ?!
