Хөшигийн хөндийд байрлах "Чингис хаан" олон улсын шинэ нисэх онгоцны буудалд "Жуулчны мэдээллийн төв" нээлтээ хийсэн байна. Жуулчны мэдээллийн төвийг ''Аялал жуулчлалын хөгжлийн төв'' ТӨҮГ барьж байгуулах, цаашдын тогтвортой үйл ажиллагааг бүрэн хариуцаж ажиллах юм байна.

Тус төв нь олон улсын ISO стандартын дагуу байгуулагдсан бөгөөд Монгол Улсыг зорин ирж буй гадаад, дотоодын аялагч, жуулчдын өмнө үүд хаалга нээлттэй.

Аялал жуулчлалын болон бусад үйлчилгээний салбарын бизнес эрхлэгч байгууллагуудыг Ковид-19 цар тахлын үед дэмжих, аялал жуулчлалын салбарыг хурдан сэргээх зорилгоор 2021 оныг дуустал "Жуулчны мэдээллийн төв"-д ААН, компаниуд Сурталчилгааны багц"-аар дамжуулан видео болон хэвлэмэл материалаа үнэ төлбөргүй байршуулах боломжтой аж.