Сонгинохайрхан дүүрэгт энэ жил хэд, хэдэн томоохон бүтээн байгуулалтууд болон тохижилтын ажил эхлээд буй тэдгээрийн нэг нь 4-р хорооны нутаг дэвсгэрт багтах “Арвайн үндэс" ХХК-ийн баруун талаас Хүнсчидийн гудамж хүртэлх шороон замыг засварлах ажил байсан. Энэхүү ажлыг энэ оны тавдугаар сард эхлүүлсэн ба тохижилтын ажил бүрэн дууслаа.

Тус зам нь 7 метрийн өргөнтэй, 800 метр үргэлжлэх бөгөөд тохижилтын ажил ийнхүү бүрэн дууссанаар 21-р хороолол болон Толгойт замын түгжрэл тодорхой хэмжээгээр буурах боломж бүрдэх юм.

Тохижилтын ажлыг Улсын төсвийн хөрөнгө оруулалтаар гүйцэтгэсэн бөгөөд Сонгинохайрхан дүүргийн засаг дарга Н.Алтаншагай "Ажил хэрэг болгоход хамтран ажилласан дүүргээс сонгогдсон УИХ-ын гишүүд болон Нийслэл, дүүргийн Иргэдийн хурлын төлөөлөгчдөдөө дүүргийнхээ нийт иргэдийн өмнөөс талархал илэрхийлье" гэсэн юм