“Рио Тинто” зарим хувьцаа эзэмшигчидтэй тохиролцоонд хүрчээ

“Рио Тинто” компани “Туркойс Хилл Ресурс” компанийн 51 хувийг эзэмшдэг бөгөөд үлдсэн 49 хувийг худалдан авах санал гаргасан билээ. Уг саналыг хэлэлцэн шийдвэрлэх “Туркойс Хилл Ресурс”-ийн хувьцаа эзэмшигчдийн хурлын тов арваннэгдүгээр сарын 8-ны өдрийг хүртэл хойшилжээ.

Дээрх саналтай холбоотойгоор “Pentwater Capital Management” болон “SailingStone Capital Partners”-ын хувьцаа эзэмшигчтэй тохиролцоонд хүрсэн байна. Уг тохиролцооны хүрээнд эдгээр хувьцаа эзэмшигчид энэ сарын 8-нд болох хурлаар саналаа өгөхөөс түдгэлзэж, уг арилжаанд оролцохгүй байх эрхээ эдлэхээр болжээ.

“Рио Тинто” компанийн санал “Туркойс Хилл Ресурс”-ийн хувьцаа эзэмшигчдийн хурлаар дэмжигдсэн тохиолдолд “Pentwater Capital Management” болон “SailingStone Capital Partners” нэгж хувьцааг 34.40 канад доллараар үнэлсэн арилжааг “Рио Тинто” компанитай гүйцэлдүүлж, үнэлгээний зөрүү гарсан тохиолдолд арбитраар шийдвэрлүүлэх аж.

“Рио Тинто” компанийн нэгж хувьцааны үнэлгээний эцсийн санал 43 канад доллар юм байна.

Эх сурвалж: RIO TINTO

Ч.Маралмааг Монгол Улсын хилээр гарахыг хоригложээ
Нийслэл орчмын шалган нэвтрүүлэх товчоодын төлбөр авах цэгийн үйл ажиллагааг цахимжууллаа
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!