Монгол Улсын Ерөнхийлөгч У.Хүрэлсүхийн санаачилсан Хөвсгөл нуурыг хамгаалах цогц ажлын нэг том бүтээн байгуулалт бол 7 байршилд авто зогсоолтой Хатгал-Жанхай чиглэлийн 37.9 км хатуу хучилттай автозам юм. Тус автозамын ажлын нийт гүйцэтгэл 75 хувьтай байгааг албаныхан мэдээллээ. Төслийн гүйцэтгэгчийн зүгээс 2023 оны 7 дугаар сард багтаан Хатгал-Жанхай-Тойлогт чиглэлийн 32.4 км авто замын 2 км авто замыг, Хатгал- Хүзүүвчийн шил-Ашихай чиглэлийн 5,5 км замыг ашиглалтад орууна гэв. Үлдсэн 30,4 км авто замыг 2023 онд багтааж ашиглалтад оруулахаар ажтиллаж байгаа ажээ. Хөвсгөл нуурын байгалийн цогцолбор газарт хатуу хучилттай автозам тавигдсанаар нуурын эрэг орчмын шороон замаас үүдэлтэй тоос, тоосонцор байхгүй болж, Хөвсгөл нуур нэг бохирдлоосоо сална.