Гандантэгчинлэн хийдийн ламхай нар бэлгийн хүчирхийлэлд өртсөн гэх асуудал өдгөө ЦЕГ-аас шалгаж буй.

Тэгвэл хохирогч гэх гурван хүүхдийг ШШЕГ-т хандан, шинжилгээнд хамруулжээ. Тэдний шүүх шинжилгээний дүгнэлт гарсан байна. Харин ямар дүгнэлт гарсныг хуулийн дагуу мэдээлэх боломжгүй гэлээ.

Тодруулбал, ЦЕГ-аас "Сүм, хийдэд хүүхэд бэлгийн хүчирхийлэлд өртсөн гэх хэргийн гурван хохирогчийн дүгнэлт гарсныг Мөрдөн байцаах алба хүлээж авсан. Харин ямар дүгнэлт гарсан талаарх мэдээллийг ЭХХШТХ-ийн 29.3-ын 5-д заасныг баримтлан Прокуророос зөвшөөрөл ирсэн тохиолдолд мэдээлэх боломжтой. Мөн нэг хохирогч гэх хүүхдийг Түр хамгаалах байранд өөрийн болон ар гэрийн хүсэлтийн дагуу хүлээн авч, хүүхэд хамгааллын үйлчилгээ үзүүлсэн" гэлээ.