Барилга бол эрэгтэйчүүдийн хүч чадал, авхаалж самбаа шаардсан хүнд салбар билээ. Тэгвэл энэ салбарт олон эрчүүдтэй мөр зэрэгцэн тэдгээрийг манлайлан удирдаж яваа бүсгүй бол Монголын Барилгын үндэсний ассоциаци ТББ-ын гүйцэтгэх захирал Л. Хулан билээ.
Л.Хулан бол олон улсын худалдаа бизнесийн чиглэлээр гадаадад боловсрол эзэмшсэн орос, англи хэлтэй, олон улсын байгууллага, төсөл дээр амжилттай ажиллаж байсан туршлагатай удирдагч, менежер учраас “МБҮА” ТББ-ын тухайн үеийн удирдлагуудын тавьсан саналыэ дагуу 2016 оноос тус байгууллагын гүйцэтгэх захирлаар ажиллаж эхэлсэн юм.
Л.Хулан гүйцэтгэх захирлаар томилогдох үед “Монголын Барилгын үндэсний ассоциаци” ТББ нь салбартаа идэвхитэй үйл ажиллагаа явуулдаггүй, гишүүд нь хойрго ханддаг, нийгмийн даатгал, татварт өртэй, өмнөх гүйцэтгэх захиралтай нь холбоотой хэл ам ихтэй, ажлын алба нь ажилчингүй, хүний нөөцөөр ядмаг байдалтай угтжээ.
Тиймээс шинээр томилогдсон гүйцэтгэх захирал нь богино хугацаанд тус байгууллагын үүсээд байсан төсөв санхүү, удирдлага, менежментэй холбоотой асуудлуудыг шийдвэрлэж, гишүүдийн идэвхи санаачлагыг өрнүүлэн эргээд салбартаа манлайлагч төрийн бус байгууллага болгож чадсан юм.
Тэрээр, Монголын Барилгын үндэсний ассоциацийн олон жил хөөцөлдөж байсан төрийн чиг үүргийг гүйцэтгэх хүсэл сонирхлыг хэрэгжүүлж, бодит ажил хэрэг болгох талаар тухайн үеийн БХБЯ-ны удирдлагуудтай нягт хамтран ажиллаж, зохион байгуулалт хийсний үр дүнд 2018 оноос эхлэн барилгын үйл ажиллагааны тусгай зөвшөөрөл олгох төрийн чиг үүргийг гэрээгээр гүйцэтгэх эрхийг авсан. Улмаар төрийн чиг үүрэг, барилгын үйл ажиллагааны тусгай зөвшөөрөл олгох үйл ажиллагааг цоо шинэ шатанд гаргаж, тус үйл ажиллагааг бүрэн цахимжуулж, барилгын салбарт олон жил бугшаад байсан тусгай зөвшөөрөлтэй холбоотой авлига хээл хахуулийн асуудлыг бүрэн шийдвэрлэж чадсан.
Тийм ч учраас барилгын үйл ажиллагааны тусгай зөвшөөрөл олгох төрийн чиг үүргийг гүйцэтгэх гэрээг 3 удаа сунгаж, тус үйл ажиллагааг хангалттай сайн хэмээн төрийн зүгээс удаа дараа дүгнээд байна.
Барилгын үйл ажиллагааны тусгай зөвшөөрөл олгох үйл ажиллагааг Л.Хулан захирал томилогдсон даруйдаа одоогийн энэ түвшинд хүргэх цахимжуулах ажлыг амжилттай зохион байгуулж чадсан юм. Мэдээж энэ ажил тийм ч амар хялбар байгаагүй бөгөөд тус үйл ажиллагааг ашиглан олон жил оршин тогтнож чадсан ашиг сонирхлуудтай зөрчилдөж, удаа дараагийн шахалт, дарамтанд өртөж ирсэн байдаг. Үүний нэг тод илрэл нь БХБ-ын сайд, яамны удирдлагуудын зүгээс өөрсдийн ашиг сонирхлыг гүйцэлдүүлэх, дуулгавартай ажлуулахын тулд гүйцэтгэх захирал Л.Хуланг дарамталж ажлыг нь авахаар удаа дараа санаархаж элдэв арга хэрэглэж ирсэн байдаг.
Мөн гүйцэтгэх захирал Л.Хулан нь Монголын Барилгын үндэсний ассоциацийн гадаад, дотоод хамтын ажиллагааг урд өмнө байгаагүй өндөр түвшинд хүргэж чадсан. Өнөөдөр Монголын барилгын үндэсний ассоциаци нь IFAWCA, CHINCA, CAK зэрэг олон улсын барилгын салбарын нэр хүндтэй байгууллагуудтай хамтын ажиллагаа үүсгэж, салбарын олон улсын холбоодын гишүүнээр элсэн тэдгээр байгууллагуудынхаа удирдах зөвлөлд сонгогдон Ази номхон далайн орнуудад Монгол улсын барилгын салбараа төлөөлөн идэвхи санаачлагатай ажиллаж байна. Тийм ч учраас саяхан 2023 оны 6 дугаа сарын 14-16-нд IFAWCA буюу Азийн ба Баруун номхон далайн гэрээлэгчдийн ассоциацуудын удирдах зөвлөлийн хурлыг эх орондоо амжилттай зохион байгуулж чадсан билээ.
Үүний зэрэгцээ гүйцэтгэх захирал Л.Хулан нь Европын холбоо, GIZ зэрэг олон улсын байгууллагуудтай хамтран гэр хорооллын иргэдийн дулааны алдагдлыг бууруулах “Дулаан шийдэл” төслийг 2019 оноос эхлэн амжилттай хэрэгжүүлж байгаа бөгөөд уг төслийн хоёр дахь үе шатыг хэрэгжүүлэн ажиллаж байна.
Гүйцэтгэх захирал Л.Хулангийн зөв оновчтой удирдлага, менежментийн үр дүнд МБҮА ТББ-ын үйл ажиллагаа шинэ түвшинд гарч байгууллагын нэр хүнд барилгын салбартаа дотооддоо төдийгүй гадаадад өсч, үүнийгээ дагаад тус байгууллагын гишүүдийн тоо урд өмнө байгаагүй өссөн. Энэ нь тус байгууллагын санхүүгийн чадавхийг дээшлүүлж, жил бүр ашигтай ажлуулах болсон юм. Өнөөдөр “МБҮА” ТББ-ын Ажлын алба нь чадварлаг боловсон хүчинтэй өдөр тутам тасралтгүй үйл ажиллагаа явуулдаг, гишүүддээ үр өгөөжтэй ажлууд зохион байгуулсан салбартаа хүлээн зөвшөөрөгдсөн манлайлагч төрийн бус байгууллага болж чаджээ.
Тийм ч учраас МБҮА ТББ-ын гүйцэтгэх захирал Л.Хулангийн идэвхи санаачлага, хөдөлмөр бүтээлийг өндрөөр үнэлэн төрөөс болон салбарын байгууллагуудаас шагнаж, урамшуулж ирсэн. Үүний тод жишээ бол МХАҮТ-ээс шилдэг интерперенёр эмэгтэйгээр шалгаруулсан явдал юм.
Гэвч сайны хажуугаар саар гэгчээр сүүлийн үед гүйцэтгэх захирал Л.Хулангийн нэр хүндэд халдаж, харлуулах улмаар түүний албан тушаалд санаархсан “Заг” ХХК-ийн захирал Б. Нэмэхбаатар, “Барилга МН” ХХК-ийн Г.Батсүх, “Эрчим инженеринг” ХХК-ийн М.Батболд нарын хүмүүс зохион байгууллаттайгаар худал гүжирдлэгийг удаа дараа тарааж байна. Үүндээ, Барилга, хот байгуулалтын сайд, яамны удирдлагуудыг татан оролцуулж элдэв арга хэрэглэсээр ирлээ. Үүнээс үүдэн янз бүрийн хууль бус шахалт дарамт ирсээр байна.
Гэсэн хэдий ч гүйцэтгэх захирал Л.Хулан хариуцсан ажлаа цалгардуулалгүй, энэхүү хүнд хэцүү барилгын салбарт олон эрчүүдтэй мөр зэрэгцэн, тэдгээрийг удирдан манлайлж ажиллаж чадаж байгаа шилдэг менежер манлайлагч бүсгүй билээ.
