Энэ мэдээ хуучирсан буюу 2023/08/29-нд нийтлэгдсэн мэдээ болно.

“Дундговь аймгийн Эрээн овооноос цаашаа 98 км авто замд 2024 онд их засвар хийнэ“

Зам, тээврийн хөгжлийн яамнаас цаг үеийн асуудлаар өнөөдөр хэвлэлийн бага хурал зохион байгууллаа.

Энэ үеэр Дундговь аймгийн замын эвдрэлд их засвар хийх талаар мэдээллийг Зам, тээврийн хөгжлийн яамны холбогдох албан тушаалтан өгөв.

Тэрбээр "Манай оронд олон улс, улсын чанартай хатуу хучилттай 7,477 км авто зам байна. Олон улс, улсын чанартай гэдэг нь нийслэлийг аймгийн төвүүдтэй, хилийн боомтуудыг аймгуудын төвүүдтэй, аймгийн төвүүдийг хооронд холбосон авто замыг хэлж байгаа. Нийслэл, орон нутгийн зам тусдаа яригддаг.

Олон улс, улсын чанартай авто замын урсгал завсар, арчлалтын ажлыг улсын 20, хувийн 10 компани гүйцэтгэдэг. Урсгал засвар арчлалт нь өдөр бүр хийгддэг бөгөөд замын жижиг нөхөлт, тоос шороог арилгах, хагарлыг засах ажил ордог.

Энэ жил дээрх олон улс, улсын чанартай авто замын урсгал засвар, арчлалтад 39.6 тэрбум төгрөг тавигдсан.

Хүмүүсээс хамгийн их гомдол ирдэг Дундговь аймгийн Эрээн овооноос цаашаа 98 км авто замын урсгал засварт нийт 700 гаруй сая төгрөгийг төсөвлөж өгсөн. Энэ замын шинээр гарсан эвдрэлүүдийг тогтоож, хөдөлгөөн нэвтрүүлэх хэмжээнд хүргэх юм.

Тухайн чиглэлийн авто зам маш муу чанараар баригдсан. Мөн даац хэтрэлт их байсан. Насжилт нь ээлжит засварын хэмжээнд хүрсэн. Гэхдээ оношилгоо хийгээд үзэхэд их засварын хэмжээнд хүрсэн байсан.

Тиймээс 2024 онд дэлхийн банкны зээлээр тухайн чиглэлийн авто замд их засвар хийх төлөвлөгөөтэй ажиллаж байна" хэмээн ярив.

Улаанбаатар-Дархан чиглэлийн дөрвөн эгнээ бүхий суурь хучилттай авто замын ажил 86%-тай явагдаж байна
Улаанбаатар-Дархан чиглэлийн дөрвөн эгнээ бүхий суурь хучилттай авто замын ажил 86%-тай явагдаж байна
 
Нэр дэвшигч Б.Цогтгэрэл Сэлэнгэ аймгийн Мандал сумын Ган замчидтайгаа уулзалт хийж, мөрийн хөтөлбөрөө танилцууллаа
Нэр дэвшигч Б.Цогтгэрэл Сэлэнгэ аймгийн Мандал сумын Ган замчидтайгаа уулзалт хийж, мөрийн хөтөлбөрөө танилцууллаа