Хэнтий аймгийн Чингис хотод “Хэрлэн өндөг”-ний үйлдвэр шинээр үйл ажиллагаагаа явуулж эхэлжээ. Тус үйлдвэр нь одоогийн байдлаар 2000 тахиатай, өдөрт 1900-2000 ширхэг шинэхэн өндгийг хэрэглэгчдийн гар дээр хүргэж байна.

Энэхүү үйлдвэрийг Улаанбаатар хотоос шилжиж ирсэн залуу гэр бүл энэ оны 7 дугаар сард байгуулсан юм. Тэрээр 21 аймгийг судалж, явсны эцэст Хэнтий аймгийг сонгож ийнхүү зориулалтын, стандартад нийцсэн үйлдвэрийг байгуулжээ. Мөн цэвэр, аюулгүй орчинд өдөр бүр шинэ өндгийг ард иргэдийн хүнсний хэрэгцээнд нийлүүлэх нь тус үйлдвэрийн эрхэм зорилго. Орон нутгийн зүгээс үйлдвэр байгуулах газрын асуудлыг шийдвэрлэж өгсөн нь томоохон дэмжлэг болжээ. Ингэснээр Хэнтийчүүд бид анхдагч хүнсний хэрэглээ болох өндөгний хэрэгцээгээ дотооддоо хангах боломжтой боллоо.