ОХУ уул уурхайн бүтээгдэхүүн тэр дундаа нүүрсний экспортдоо тариф тогтоосон талаар бид өмнө нь мэдээлж байсан. Энэ нь манай улсын коксжих нүүрсний зах зээлийн өрсөлдөх чадварт эерэгээр нөлөөлөх үйл явдал болох боломжтойг шинжээчид онцолж буй.

Түүнчлэн ОХУ ихэвчлэн БНХАУ руу цахилгаан станцад ашиглах эрчим хүчний нүүрс нийлүүлдэг бол Монгол Улс гангийн үйлдвэрт ашигладаг коксжих нүүрс түлхүү экспортолдог. Нэг ёсондоо монголын нүүрсний зах зээл ирэх жилүүдэд бүрэн хадгалагдах боломжтой гэсэн үг.

Мөн Австрали, Хятад хоорондын улс төрийн уур амьсгал сайжраагүй байгаа нь хоёр улсын нүүрсний экспортод нөлөөлж магадгүй бөгөөд энэ нь монголын коксжих нүүрс Хятадын зэх зээлд байр сууриа хадгалах боломж байгааг харуулна. Үүгээр зогсохгүй манай улсаас БНХАУ руу нийлүүлсэн нүүрсний экспорт түүхэн дээд хэмжээнд хүрээд байгаа нь Монгол Улсын нүүрс эрэлттэй байгааг илтгэж байна.