УИХ-ын /2023.11.09/ ээлжит чуулган 10 цагт эхэллээ. Чуулганаар Эрүүгийн хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд- ийг хэлэлцэж байна.

Энэ үеэр УИХ-ын гишүүн Б.Пүрэвдорж Монголд зарагдаж байгаа гурилын үнэ хэт өндөр байгааг шүүмжлэв.

Тэрбээр, "Би өчигдөр ОХУ-д бизнес эрхэлдэг хүнээр дамжуулж гурилын үнэ судлуулсан. Ингэхэд Ховд аймаг руул гэхэд нэг шуудай гурилыг 58,000 төгрөгөөр оруул ирж болох тооцоо гарч байна. Гэтэл иргэд өнөөдөр нэг шуудай гурилыг 120,000 төгрөгөөр буюу хоёр дахин илүү үнээр худалдан авч байна. Бид ийм байж болохгүй. Дотоодын хэрэгцээгээ бүрэн хангана гээд гадаад урсгалаа хаасан энэ мэт шийдвэрүүд иргэдийн амьдралд хүндээр тусч байна" гэв.