Энэ мэдээ хуучирсан буюу 2023/11/15-нд нийтлэгдсэн мэдээ болно.

Г.Сайханбаярыг сайд болсноос хойш 10 цэрэг амиа алдав

Зэвсэгт хүчний 326 дугаар ангид өнгөрөгч сарын 20-ны өдөр цэрэгт татагдсан 21 настай оюутан нас барсан харамсалтай хэрэг Монгол бахархлын өмнөх өдөр /2023.11.13/ гарав.

“Бид чухам юугаар бахархах вэ” хэмээн нийгэм даяар халаглаж, Ерөнхийлөгч нь ар гэрийнхэнтэй нь утсаар эмгэнэл илэрхийлж, салбар хариуцсан сайд Г.Сайханбаяр, ЗХЖШ-ын дарга С.Ганбямба хоёр таг чиг.

Одоогоос яг сарын өмнө Г.Сайханбаяр хэвлэлд тодруулга өгөх үеэрээ “Цэрэг амиа алддаг асуудлыг 2022 оноос хойш таслан зогсоосон” хэмээн худал ярьж зогссон билээ.

Түүнийг худал ярьсныг амиа алдсан цэргүүдийг тоолж, өгүүлье.

2022.06-р сард: Дотоодын цэргийн 05-р ангийн хугацаат цэргийн алба хаагч 18 настай З.Н 2022.06.16-ны орой Цэргийн төв эмнэлэгт яаралтай түргэн тусламж авахаар ухаангүй хүргэгдэн очиж, улмаар ходоодны мэс засалд орсон хэдий ч нас барсан харамсалтай хэрэг гарсан.

2022.07-р сард: "Зэвсэгт хүчний 167-р ангид хугацаат цэргийн алба хаагч Өмнөговь аймагт өндөр барилгаас унаж амиа алдсан.

2022.08.01 өдөр 017 дугаар ангийн дэд ахлагч 22 настай “З” Зэвсэгт хүчний 065-р ангийн хашаанд тогонд цохиулж нас барав.

2022.08.06 Дорнод аймагт байрлах Зэвсэгт хүчний 327 дугаар ангийн байлдагч 21 настай Х усанд живж амиа алдав.

2022.08.07 Завхан аймгийн Тэс суман дахь хилийн цэргийн 0277 дугаар ангид Увс аймгийн Тариалан сумаас татагдсан 19 настай, байлдагч Б мод бэлтгэж байх үедээ модонд цохиулж, толгойн тус газраа гэмтэл авч ГССҮТ-д ухаангүй байдалтай байна.

2022.09.29 Увс аймгийн хилийн цэргийн 0245 дугаар ангид татагдаж, малын суурьт үүрэг гүйцэтгэж байсан 19 настай байлдагч боомилж амиа алдав.

2023.02.27: Төв аймгийн Алтанбулаг сум дахь Зэвсэгт хүчний 311 дүгээр ангид алба хааж байсан хугацаат цэргийн алба хаагч нас барсан.

2023.05.12: Баян-Өлгий аймгийн хилийн цэргийн 0165 дугаар ангид шинээр цэрэгт татагдаад, дөнгөж долоо хонож байсан 19 настай хүү учир битүүлгээр амиа алдав.

2023.06.23: Төв аймгийн Алтанбулаг сум дахь 0119 дүгээр ангид алба хааж байсан 19 настай “Б” нь кросс гүйлтэд гүйх явцдаа ухаан алдаж, улмаар эмчлүүлж байхдаа амь эрсэдсэн.

2023.11.13 Зэвсэгт хүчний 326 дугаар ангид 21 настай төгсөх курсийн оюутан амиа алдав.

Энэ бол Г.Сайханбаярыг сайд болсноос хойших дөнгөж 2022, 2023 хоёрхон оны тоо. Хоёрхон сарын дотор ДӨРВӨН цэрэг эндэж байсан харгис тохиолдол байна.

ХЭҮК-оос сүүлийн 10 жилд 50 гаруй цэрэг алба хааж байхдаа амиа алдсан гэдэг тоо гаргажээ.

Г.Сайханбаярын хувьд Ерөнхийлөгч У.Хүрэлсүхийн Засгийн газрын танхимд гуйж үлдээсэн таван сайдын нэг. Түүний найз. Ерөнхийлөгчийн найз Г.Сайханбаярт огцрох үндэслэл байхгүй учир тэр 2022 оноос хойш цэрэг үхээгүй” хэмээн худал бас том ярьж зогссон байх. Учир нь, цэргүүдийн асуудлыг бүхэлд ЗХЖШ хариуцах хуультай бөгөөд энэ нь Ерөнхийлөгчийн инститүцэд хамаардан. Өөрөөр хэлбэл, цэрэг нас барахад ЗГ болоод батлан хамгаалахын сайд хариуцлага хүлээхгүй. Тэгэхээр Г.Сайханбаярт цэрэг нас барсантай холбоотой хариуцлага тооцох шууд үндэслэл байхгүй тул тэр гэдийх юм.

Замын хөдөлгөөний даацаас хамаарч дугаар олголтыг хязгаарлана
Замын хөдөлгөөний даацаас хамаарч дугаар олголтыг хязгаарлана
 
Сонгон шалгаруулалтын зарыг сунгаж байна
Сонгон шалгаруулалтын зарыг сунгаж байна
Энэ мэдээ хуучирсан буюу 2023/11/15-нд нийтлэгдсэн мэдээ болно.