Хан-Уул дүүргийн иргэдийн Төлөөлөгчдийн Хурал, дүүргийн Гэмт хэргээс урьдчилан сэргийлэх ажлыг зохицуулах салбар зөвлөл, дүүргийн Цагдаагийн газартай хамтран "Ахмад- дунд- залуу" арга хэмжээний хүрээнд дүүргийн 25 хорооны хэсгийн ахлагч, хороо хариуцсан цагдаа нарт цагдаагийн ахмад ажилтан өөрийн туршлага, мэдлэгээ хуваалцах, судалгааг хэрхэн бүрдүүлэх, байгууллага хоорондын уялдаа холбоог сайжруулах тухай зөвлөн туслах үйлчилгээг 1 сарын хугацаанд хамтран ажиллана.

Ингэснээр ахмад залуу үеийн залгамж халааг бэхжүүлэх, гэмт хэрэг, зөрчлөөс урьдчилан сэргийлэх ажлыг оновчтой зохион байгуулах юм.

Уулзалтад Цагдаа, дотоодын цэргийн ахмадын хорооны дарга, хошууч генерал Ч.Амарболд, Хан-Уул дүүргийн цагдаагийн газрын дарга, цагдаагийн хурандаа Т.Дамбийням, ахмадын хорооны дарга, цагдаагийн бэлтгэл хурандаа Д.Болд нар оролцлоо.