Өнгөрсөн 11 дүгээр сард СБД-ийн иргэдийн дунд БНСУ-ын "Юүжин Оптикал" нүдний эмнэлгийн эмч нар үнэ төлбөргүй хараа зүйн үзлэг оношилгоо, мэдээлэл зөвлөгөө өгөх арга хэмжээг зохион байгуулжээ.

Улмаар хараа зүйн үзлэг оношилгоонд хамрагдсан 1000 гаруй иргэдээс харааны шил зайлшгүй зүүх шаардлагатай 655 хүнд БНСУ-д үйлдвэрлэгдсэн харааны шилнүүдийг хүлээлгэж өгсөн байна.

УИХ-ын гишүүн, ЦХХХ-ны сайд Н.Учралын урилгаар БНСУ-ын нүдний эмнэлгийн эмч мэргэжилтнүүдийн 11 хүний бүрэлдэхүүнтэй баг Сүхбаатар дүүрэгт 2 дахь удаагаа ажилласан нь энэ юм. Өмнө нь буюу 3-р сард зохион байгуулагдсан энэхүү арга хэмжээнд 580 иргэн хамрагдаж байжээ.

Н.Учрал 2020 оны сонгуульд СХД-ээс нэр дэвшсэн. Харин энэ удаагийн сонгуульд СБД-ээс нэр дэвшихээр сүүлийн хоёр жил иргэд рүү чиглэсэн үйл ажиллагаа, арга хэмжээг идэвхтэй зохион байгуулж байгаа билээ.