ХХААХҮ-ийн сайд асан З.Мэндсайхан Ерөнхийлөгч У.Хүрэлсүхийн Хөдөө аж ахуй, хөдөөгийн хөгжил хариуцсан орон тооны зөвлөх болжээ.

Одоогийн Ерөнхийлөгч Ерөнхий сайд байхдаа Хүнс хөдөө аж ахуйн хөнгөн үйлдвэрийн сайдад түүнийг нэр дэвшүүлж, намынхаа Удирдах зөвлөлийн дэмжлэгийг авч байсан билээ.

Тэрбээр, ХХААХҮ-ийн сайдын албыг хоёр Засгийн газар дамнан хашсан. Улмаар Үндсэн хуулийн өөрчлөлтөөр сайдын албан тушаалаа өгч байв.

Түүний хувьд, 2015 оноос төрд тасралтгүй ажилласан. Сангийн яамны Төсвийн хөрөнгө оруулалтын газрын дарга, Эрчим хүчний яамны Төрийн нарийн бичгийн дарга, Төрийн өмчийн хорооны дарга, Хүнс, хөдөө аж ахуй, хөнгөн үйлдвэрийн сайдаар ажилласан намтартай.