-С.АМАРСАЙХАН БҮҮ ХЭЛ ЗАСГИЙН ГАЗАР БҮРЭН БҮРЭЛДЭХҮҮНЭЭРЭЭ ХАРИУЦЛАГА ХҮЛЭЭХ ЁСТОЙ-

Дүнжингарав худалдааны төвийн уулзварт хийн түлш ачиж явсан машин дэлбэрч, олон хүний амь эрсдэж, ихээхэн хэмжээний эд хөрөнгө сүйрсэн. Тиймээс хэн нэгнийг буруутгахаар эрэлд гарсан бололтой. Хийн түлш ачиж явсан жолооч, шөнөөр зорчиж явсан суудлын автомашины жолооч. Аж ахуйн нэгж гээд аль нэгийг нь буруутгана. Энд хэн нэгнийг буруутгах хэрэггүй. Мэргэжлийн байгууллагын дүгнэлт ч гараагүй байна.

Харин үүний алдаа, буруу нь бидний нүдэнд ил, өдөр бүр тохиолдож байгааг л хэлэх гэсэн хэрэг. Учир нь монголчууд бид ямар ч стандартгүй хотод данстай, ямар ч стандартгүй хороололд амьдарч, ямар ч стандартгүй замаар зорчиж, алхам тутамдаа айдас хүйдэстэй, амь насандаа заналхийлгүүлж байгааг харуулсан эмгэнэлт үйл явдал болсон.

Шуудхан хэлэхэд Шадар сайд С.Амарсайханы буруу учраас тэр хариуцлага хүлээж, ажлаасаа огцрох төдийгүй хариуцлага хүлээх ёстой.

Яагаад гэхээр Шадар сайд С.Амарсайхан өөрийн хамаарах агентлаг Стандарт хэмжил зүйн газрыг мэргэжлийн бус хүнээр олон жил удирдуулж, өнөөдрийг болтол Хотын стандартын газрыг байгуулж өгөөгүй. Тус байгууллагын ажиллагааг нурааж, улс төрийн томилгооны талбар болгосон. Өнөөдөр 1.6 сая хүн амтай хот Стандартын газаргүй байгаа нь түүний буруу. Стандартын газаргүй хотод хэн ямар стандарт дагаж мөрдөх юм.

Учрыг тайлбарлъя. Стандартын болон хэмжил зүйн хууль 1996 онд батлагдаж, аймаг бүрд Стандарт, хэмжилзүйн хэлтэс байгуулагдаж, хүнс,барилгын материал, тэсэрч дэлбэрэх бодис, жин туухай, цахилгааны болон усны тоолуур, нийтийн хоол, тээвэр, зочид буудал гэх мэт 600 гаруй нэрийн бүтээгдэхүүн үйлчилгээг стандартын дагуу баталгаажуулалтад хамруулж стандартын хяналтад хамруулжээ. Ингэхдээ энэхүү чухал нэгжийг Улаанбаатар хотод байгуулж өгөөгүйгээс нийслэлийн иргэдийн хэрэглэж байгаа хүнснээс эхлээд тээвэрлэж яваа ачаа бараа, зорчиж яваа зам талбай гээд олон зүйл стандартгүй, хяналтгүй болсон.

Энэ үйлчилгээг Стандарт,,хэмжилзүйн газар дайвар маягаар хууль зөрчин гүйцэтгэж байгаагаас хүртээмж чанар нь шаардлага хангахгүй байгаа юм.

Шинэчлэн батлагдсан Стандартчилал,техникийн зохицуулалт, тохирлын үнэлгээний хуулиар Стандарт,хэмжилзүйн газар нь стандарт техникийн зохицуулалтын бодлого,зохицуулалтыг улсын хэмжээнд гүйцэтгэхээс аль нэг аймаг нийслэлийн ажлыг гүйцэтгэхийг хориглосон байдаг. Өөрөөр хэлбэл бид хуулиа зөрчин ажиллаж байна. Үүнээс харахад Шадар сайд С.Амарсайхан хуулиар хүлээсэн үүгээр биелүүлэн ажиллаж чадаагүй байна. Шадар сайд маань стандарт хэмээн улс төрийн шоу зохион байгуулж, стандартын байгууллагын ажлыг самарч байхаар Хотын стандартын газрыг байгуулж, стандарт мөрдүүлэх ёстой байв.

Ганц энэ удаа ч биш. Стандартгүй хотод ажиллаж амьдарч байгаагийн аюулыг иргэд олон нийт удаа дараа амслаа. Зөвхөн өнгөрөгч зуны үер усны аюулд иргэд амь насаа алдаж, эд хөрөнгөөрөө хохирсон нь хотод ямар ч стандарт тогтоож өгөөгүйг харуулсан. Өнөөх л авлига, албан тушаалын хүрээнд ажил өрнөж байгааг харуулсан гашуун сургамж юм.

Уг нь С.Амарсайхан бүү хэл олон хүний амь сүйдэж, ихээхэн хэмжээний хөрөнгө үрэгдсэн энэ осолд Засгийн газар бүрэн бүрэлдэхүүнээрээ хариуцлага үүрэх ёстой. УИХ-аас хуулийг нь батлаад өгчихсөн байхад Гүйцэтгэх засаглал нь яагаад биелүүлээгүй юм. Үүнээс болж удаа дараа аюултай осол гарч байна. Олон жил эхлүүлсэн Засгийн газар бүрэн бүрэлдэхүүнээрээ хариуцлага хүлээх боломжгүй гэж үзвэл Шадар сайд болон бусад холбогдох хүмүүс хариуцлага үүрэх ёстой.

Tumen.mn