Улаанбаатар төмөр замынхан энэ жил одон медалийг багц багцаар тараахаар шийдсэн бололтой. Тодруулбал, Монгол Зөвлөлтийн хувь нийлүүлсэн нийгэмлэг Улаанбаатар төмөр замаас ТЭМДЭГ худалдан авах тендер зарласан байна.
Өөрийн хөрөнгөөр хийгдэнэ хэмээн тодотгосон энэхүү худалдан авалтад 400 сая төгрөг зарцуулах юм. Ингэхдээ 900 ширхэг Төмөр замчны алдар, 860 ширхэг Тэргүүний төмөр замчин, 500 ширхэг Онц хөдөлгөөнчин тэмдэг худалдан авахаар төлөвлөжээ. Х.Хэрлэн даргатай Улаанбаатар төмөр замынхан өнөө жил 75 жилийн ойгоо тэмдэглэхээр төлөвлөж ийнхүү ажлуудаа эхлүүлжээ.
Нийгэмд үйлчлүүлэгчдээсээ байнгын шүүмжлэл хүлээдэг ч доривтой засвар үйлчилгээ хийдэггүй тус байгууллага ийнхүү одон тэмдэг хийлгэхийг чухалчилж, тендер зарласан нь энэ. Ийнхүү 400 сая төгрөгийг одон тэмдэг авахаар төлөвлөсөн тус байгууллага мөн 200 сая төгрөгөөр дэр, хөнжил, орны бүтээлэг худалдан авахаар төлөвлөсөн байна.
