ХХААХҮЯ-ны сайд Ж.Энхбаяр Бүгд Найрамдах Тажикистан Улсын Хөдөө аж ахуйн сайд Курбон Хакимзода тэргүүтэй төлөөлөгчдийг хүлээн авч уулзлаа.

Уулзалтаар,

• Сүүлийн 10 жил зохион байгуулагдаагүй Монгол, Таджикистаны Засгийн газар хоорондын комиссын хурлыг цахим хэлбэрээр зохион байгуулах

• Хоёр талын дээд хэмжээний айлчлалуудыг зохион байгуулах боломжийг эрэлхийлэх

• Мал эмнэлэг, ургамал хамгаалал, ариун цэврийн шаардлагуудыг харилцан тохирох

• Хүнс, хөдөө аж ахуйн салбарт туршлага, мэргэжлийн шинжээч солилцох талаар арга хэмжээг бодит ажил болгох талаар ярилцжээ.

Бүгд Найрамдах Тажикистан Улс нь 30,000 толгой сарлагтай бөгөөд удмын санг сайжруулах, селекцийг бий болгох зорилгоор хоёр улсын хооронд мал эмнэлгийн олон улсын гэрчилгээг байгуулах замаар Монгол Улсаас амьд сарлаг, хөлдөөсөн үр хөврөлийг экспортлох, мал аж ахуй уламжлалт ухаан, туршлага, удирдлагын талаар туршлага солилцох зэрэг олон асуудлаар санал солилцжээ.