Португал улсад мөдхөн 7 еврогийн зоос зах зээлд гаргах гэж байна. Энэ зоосон дээр хөлбөмбөгч Криштиано Роналдогийн дүр төрх байх бөгөөд алдарт хөлбөмбөгчийн алдар цуу, амжилтыг бахархан хүндэлж, алдаршуулж буй нь энэ юм. Криштиано Роналдо 18 настайдаа Португалын “Спортинг”-оос Английн “Манчестер Юнайтед”-д очсон түүхтэй. “Манчестер Юнайтед”-ын дасгалжуулагч Сэр Алекс Фергюсон түүнд шууд итгэн клубынхээ домогт 7 дугаарыг өгсөн юм. Ингэснээр Роналдо ба 7 дугаарын түүхэн холбоо үүсэж, дараа нь Испанийн “Реал Мадрид”, Италийн “Ювентус” болон одоо Саудын Арабын “Аль Наср”-т 7 дугаартайгаа тоглож байгаа. Мэдээж, мөн Португалын шигшээдээ 7 дугаартай тоглодог. CR7 бол Роналдогийн бараа бүтээгдэхүүний таних тэмдэг, бизнес зах зээлийн брэнд болсон ашигтай, алдартай тэмдэг болсон.

Tumen.mn