"Эрдэнэс Тавантолгой" компанийн ногдол ашгийг иргэдийн дансанд өнөөдрөөс олгож эхлэх товтой. Улмаар энэ сарын 15-ны өдөр хүртэл иргэдийн дансанд ногдол ашгийг олгох юм байна.

Засгийн газрын ээлжит бус хуралдаанаар Төрийн өмчит компаниудын хуулийн төслийг УИХ-д өргөн барих болон 1,072 хувьцааны ногдол ашиг тараах тухай шийдвэр /2024-12.20/-ны өдөр гаргасан.

Ингэхдээ "Эрдэнэс Тавантолгой" компанийн ногдол ашгийг Эрдэнэс Монгол нэгдэл зохицуулалт хийж буй. Тиймд ногдол ашгийг хүйтний улиралд олгож байх нь чухал гэж үзсэн. Урьд нь 100 мянган төгрөг өгдөг байсан нь инфляцад нөлөөлдөггүй байсан. Энэ удаад 300 мянган төгрөг тараах нь инфляц өдөөх том эрсдэл болж байгаа учраас гурав хувааж олгох нь зүйтэй гэж үзэн ногдол ашгийг өнгөрсөн оны 12 дугаар сар болон энэ оны нэг болон хоёрдугаар сард тус тус олгохоор шийдвэрлэсэн билээ.