АНУ-ын Калифорни мужийн баруун өмнөд эргийн бүсэд ойн зургаан түймэр идэвхтэй асаж байна.

Лос-Анжелесийн түүхэн дэх хамгийн их хохирол дагуулсан гамшигт үзэгдэл болоод буй гал түймрийн 5 голомтод нийт 7500 гал сөнөөгч ажиллаж байна.

Ой хээрийн түймрийн таван том голомтоос хамгийн их хохирол амсаад байгаа 4 хотын нөхцөл байдлын талаарх мэдээллийг тоймлон хүргэе.

1. Палисадад 18500 акр талбай шатаж, суурь үйлчилгээний байгууллагууд бүрэн хаагджээ. Ирргэдийг нүүлгэн шилжүүлсэн ба тус хотын 75 хувь нь хээрийн түймэрт өртөөд байна.

2. Этони хотод 10,000 акр талбай шатжээ. Хотын ргэдийг Түр хорогдох байранд нүүлгэн шилжүүлэв.

3. Сансет хотод иргэдийг нүүлгэн шилжүүлэх үүрэг өгчээ. АНУ-ын Лос-Анжелес хотод байрлах алдарт Hollywood бичвэр түймэрт өртөх эрсдэлтэй нүүр тулжээ.

4. Харст тосгоны түймэр бусад хотуудтай харьцуулахад бага талбай хамарчээ. Нийт 1000 акр талбай түймэрт өртсөн байна.

Хамгийн их хохирол амссан Лос-Анжелес хотоос нийт 207,857 оршин суугчийг нүүлгэн шилжүүлээд байна.

Дээрх хотуудын утаажилтын түвшин дээд хэмжээнд хүрсэн тул оршин суугчдыг аль болох гэрээсээ гарахгүй байх, бэлтгэл, бэлэн байдлаа хангах, дасгал хөдөлгөөн хийхгүй байх, хамгийн гол нь амны хаалт зүүж, тайван байхыг анхааруулсаар байна.

Мөн нүүлгэн шилжүүлсэн хотуудад АНУ-ын дэд ерөнхийлөгч Камила Харисон, Бен Афлик, Парис Хилтон зэрэг алдартануудын амины орон сууцууд түймэрт өртсөн бөгөөд хээрийн түймрийн улмаас нийт 100 тэрбум ам.долларын хохирол учраад байгаа аж.

Лос-Анжелес хотын Эргүүлийн алба Үндэсний гвардаас нэмэлт тусламж хүссэн байна.

Өнөөдрийн байдлаар Үндэсний гвардын 400 орчим гишүүд хэв журам сахиулах, Түр хорогдох байрыг зохион байгуулах, урьдчилан сэргийлэх зөвлөмжүүдийг хүргүүлэн ажиллаж байна.